KASAUKAN 49:6 - Tanou Moonsoi Timugon

⁶ Kalo maya' aku ra inatangan malaat nilo ondo' nasibuni no, am kalo maya' aku ra pansunuran nilono. Sabap ra mamatoi ilo ra ulun paat ra sumangit, am mapalawo ilo ra sapi' gawayan sabap ra pangkulian.

KASAUKAN 49:6 ပူးပေါင်းရင်းမြစ်များ

KASAUKAN 34:30

Indagu i Jakub ri Simion am i Liwi, “Napakapagon kau raki'. Raino ulun ru Kanaan, ulun ru Piris am ngaangai' mamagun ru pagun ragitio mangasisang raki'. Ulun takati kalo masuang, amon pantutuluk mamagun no koson gula' am bulunsar raki', itakau sasambaloi ti maluus.”

2 SAMUIL 8:4

Namparakop Raja' Daut ra suang 1,700 ngaulun saujor mangkuda am 20,000 ngaulun saujor ondo' mantana'. Ngaangai' ru kuda no binaal no kalo makaugar, ondo' ayuk am inukop koson mamunduk ra maatus kurita' kuda.

1 TUNUNG RU BANSA' ISRAIL 18:4

Raja' Daut nampagaau ra 1,000 kurita' kuda, am namparakop ra 7,000 ngaulun saujor nangkuda am niayuk 20,000 ngaulun saujor nantana'. Pinandakan no ngaangai' kuda, ondo' ak am kukula' ngainan, ondo' inukop mamunduk ra 100 kurita' kuda.

MAZMUR 1:1

Pakaansuk noyo ulun ondo' kalo maya' ra ragu ru ulun malaat, kalo maya' ra paliso ru ulun makatula, kapoam lumatok ra ulun ondo' magasab ri Aki Kapuuno',

MAZMUR 103:1

Mazmur ri Daut. Omporo' noyo Tuhan, alii ra salibuor kuno! Omporo' noyo inggalan Nano ra matulai, alii ra guang kuno!

MAZMUR 139:19

Iou Aki Kapuuno', potoyo' noyo ulun malaat, am painggaluro' noyo ulun-ulun mangalaat intor raki'!

MAZMUR 16:9

Ginio boo ra guang kuno mongompor am maansukan, am naayag aku,

MAZMUR 26:9

Pai' aku pusoo' mababaya' ra ulun ondo' makatula; sindungi' aku intor ra ulun mamamatoi,

MAZMUR 28:3

Pai' aku ukumi' mababaya' ra ulun ondo' maanggal-anggal, mababaya' ra ulun ondo' mambaal ra kalaatan – ulun ra maamis kabang, kaa' guang no natikop ra sisang.

MAZMUR 30:12

Pantangian ru guang kuno kinulau Mu masauk ra ligo' kaansukan; inalap Mu ulir kuno am pinasuali Mu kaansukan.

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 42:5

Makuliagai guang kuno amon karaan orou ra nakasail, bulintok ra aku nakapasumbaya' ra ulun masuang minongoi ra Baloi ru Tuhan, am minugar aku ra siminigulu risilo, magilakup am marimbai ra rimbai mongompor.

MAZMUR 43:5

Kua kia pangiluk guang kuno? Kua kia pagalabo aku? Malansan aku ri Aki Kapuuno', am igondo' poyo aku mongompor Riso, i Aki Kapuuno' kuno am mamamayag raki'.

MAZMUR 5:10

Ngaangai' ragu ru pantula' kuno kalo maintopot; guangon nilono malaat kaga'; ngaangai' ragu nilono mangaamis am makabunduk ra guang, kaa' napanu' ra gogot malaat.

MAZMUR 57:8

Iou Aki Kapuuno', mintopot aku toojo Rirun, rimbayin am omporon Tokou!

MAZMUR 64:2

Rongogo' pakiasian kuno – iou Aki Kapuuno', makakapaganan aku! Malaa' aku ra pantula' kuno – bayago' aku no!

AMSAL 1:11

Amon ru mindagu ilo, “Ibok, uyumo' takau ulun namatoi risilo. Ongoyo' takau gabuo' ulun ra kolondo' sala koson ra kukuli ayuk!

AMSAL 12:5

Ulun mabanis guang mangkara' ra baal-baal moonsoi, kaa' pinson ru ulun malaat ruung ayuk.

JIRIMIA 15:17

Kalo maya' aku ra ulun ondo' mantitimung ra magaganja' ayuk. Ginio sabap ra gumagaya' Aku rirun, siminuai aku am natikop ra sangit.

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

2 KORINTUS 6:14

Pai' kau pakimaguyu ra ulun ondo' kalo mangintopot ra Tuhan. Ginio kalo noyo matanda'. Sabap ra ati kulaan katapatan masimpung ra kalaatan? Kapoam sinda magapu ra kalandaman?

SAGULION 27:24

“ ‘Kaulas noyo ulun ondo' nambaal ra pamatayan ra sinokon.’ “Ngaangai' ulun tumaam ra, ‘Amin!’

JOSUA 11:9

Namakuan ri Josua ra pantula' nontopot ra susuban ru Tuhan; tinibasan no kuda-kuda am nonolob ra kurita' kuda nilono.

TINGGANAI RU BANSA' 5:21

Timug maaug ru Sungoi Kison nangabas ra pantula'. Marayus aku jumalai ra kaikangan!