KASAUKAN 49:4 - Tanou Moonsoi Timugon

⁴ Mogondo' kou koson ra liur ondo' marapai, kaa' kalo masauk kou ra maatang. Sabap ra riminulug kou ra ruandu' parulug kuno i Bilga, jinaka' mu pambalangan ru ama' muno.

KASAUKAN 49:4 ပူးပေါင်းရင်းမြစ်များ

KASAUKAN 35:22

Buoi ri Jakub minayan ra giu' no, rulug i Rubin ri Bilga, iono ruandu' parulug ru ama' nano. Kaala' i Jakub raginio am siminangit io kaga'. Anak ungkuyon ri Jakub mokoondo' mopor am ruo ngaulun.

KASAUKAN 46:8

Gitio noyo sasambaloi ri Jakub ondo' nababaya' riso minongoi ra Misir. Anak katuaan ri Jakub iono i Rubin,

1 TUNUNG RU BANSA' ISRAIL 5:1

Gitilo noyo papag ri Rubin, anak katuaan ri Jakub. (Sabap ra rinulug ri Rubin sangulun ruandu' parulug ru ama' nali, io pana natatakan ra tungkuson no koson ra anak katuaan. Tungkuson raginio tinaakan ri Jusup.

1 KORINTUS 5:1

Sotopot no binalaan aku ra mokoondo' intor ramuyun mansawa', mokoondo' sangulun liminapau ra ina' nanukapu riso. Ginio malaat toojo intor ra kaindalaman ru ulun ondo' kalo makaulig ra Tuhan.

SAGULION 27:20

“ ‘Kaulas noyo ulun ondo' manauyu' ra ama' nilono sabap namparulug ra sangulun intor ra andu' ru ama' nilono.’ “Ngaangai' ulun tumaam ra, ‘Amin!’

SAGULION 33:6

Intor ra bansa' ru Rubin, indagu i Musa, “Gama' ru bansa' ru Rubin kalo mapuso, kabalu' pana suang nilo sanganu ayuk.”

SAGULION 5:21

‘Pai' pangingkaut ra longgom ru ulun bokon: andu' nano, baloi nano, tana' nano, uliponon nano, bibiag tinambiag nano, kaladai nano kapoam atan pana longgom nano.’

2 PITRUS 2:14

Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!

2 PITRUS 3:16

Ralalom ru ngaangai' surat nano, masalok i Paulus nanulis intor ra baal raginio. Mokoondo' kukula' mapagon aration ralalom ru surat-surat no, am tayar raginio noyo kinulau ru ulun ondo' kalo makarati' toojo am ondo' kalo maikang pangintapatan. Baal raginio kalo makaimuag, nogondo' niayuk ra tayar ra bokon pana ralalom ru Buuk Kitab kulawon nilo niayuk koson raginio, kaa' gitio mangkinibit boo ra ilo galama' mapuso.