KASAUKAN 49:3 - Tanou Moonsoi Timugon

³ “I Rubin, anak katuaan kuno, okou noyo ikang kuno, anak ungkuyon ra kasaa' ru kinabaani kuno, ondo' mapanggol kaga' am maikang kaga', intor ra ngaangai' anak ungkuyon kuno.

KASAUKAN 49:3 ပူးပေါင်းရင်းမြစ်များ

KASAUKAN 29:32

Kaapang i Liya am paganak sangulun anak ungkuyon. Kono, “Nakito ru Tuhan no kapaganan kuno, am raino tumogom ralaki kuno raki'.” Inggalani' no boo anak raginio i Rubin.

KASAUKAN 35:22

Buoi ri Jakub minayan ra giu' no, rulug i Rubin ri Bilga, iono ruandu' parulug ru ama' nano. Kaala' i Jakub raginio am siminangit io kaga'. Anak ungkuyon ri Jakub mokoondo' mopor am ruo ngaulun.

KASAUKAN 35:23

Anak ungkuyon ri Liya i Rubin (anak katuaan ri Jakub), Simion, Liwi, Jiuda, Isakar am i Jibulon.

KASAUKAN 46:8

Gitio noyo sasambaloi ri Jakub ondo' nababaya' riso minongoi ra Misir. Anak katuaan ri Jakub iono i Rubin,

KASAUKAN 48:18

Kono ra ama' nano, “Sala' ka koon ragino ama'. Gitio anak ra katuaan, pokopoo' noyo kalindu' pamiris muno ra ulu nati.”

1 TUNUNG RU BANSA' ISRAIL 2:1

I Jakub mokoondo' mopor am ruo ngaulun anak ungkuyon: Rubin, Simion, Liwi, Jiuda, Isakar, Jibulon,

1 TUNUNG RU BANSA' ISRAIL 5:1

Gitilo noyo papag ri Rubin, anak katuaan ri Jakub. (Sabap ra rinulug ri Rubin sangulun ruandu' parulug ru ama' nali, io pana natatakan ra tungkuson no koson ra anak katuaan. Tungkuson raginio tinaakan ri Jusup.

1 TUNUNG RU BANSA' ISRAIL 5:3

I Rubin, anak katuaan ri Jakub, mokoondo' apat anak ungkuyon: Ginok, Palu, Gijron am Karmi.

MAZMUR 105:36

Io pana namatoi ra ngaangai' anak ungkuyon ra katuaan, anak ungkuyon ra katuaan ru ngaangai' sasambaloi ru Misir.

MAZMUR 78:51

Pinatoi No ngaangai' anak ungkuyon ra katuaan ru ngaangai' sasambaloi ulun ru Misir.

UNTABAN 1:20

Inggalan ru ungkuyon ondo' umur ruo ngoopor ngambilor am nakasail, ondo' maaya' masauk ra saujor, pinarijisto sumugut ra bansa' am sasambaloi, timinalimpuun ra bansa' ri Rubin, anak ungkuyon katuaan ri Jakub. Suang nilo koson ragitio: Bansa' Suang ru Ulun Rubin 46,500 Simion 59,300 Gad 45,650 Jiuda 74,600 Isakar 54,400 Jibulon 57,400 Ipraim 40,500 Manasi 32,200 Binjamin 35,400 Dan 62,700 Asyir 41,500 Naptali 53,400 Suang: 603,550

UNTABAN 26:5

Bansa' ru Rubin, anak katuaan ri Jakub: bansa' ru Ginok, Palu,

SAGULION 21:17

Musiti' io mantayar ra rapu' induo ruli' ra anak katuaan nano, kabalu' pana anak raginio sala' ka anak ru andu' tagamin nano. Musiti' sangulun ama' mangiou ra anak katuaan nano, am mangani' riso ra tayar ru rapu' ondo' masauk ra tungkuson nano sumugut ra aturan.”

SAGULION 27:13

Paat raguon pagulasan, bansa' ru Rubin, Gad, Asyir, Dan, Jibulon am Naptali musiti' migor giu' rasawat ru Gunung Ibal.

SAGULION 33:6

Intor ra bansa' ru Rubin, indagu i Musa, “Gama' ru bansa' ru Rubin kalo mapuso, kabalu' pana suang nilo sanganu ayuk.”

PINAINTALANG 3:14

“Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.