KASAUKAN 49:26 - Tanou Moonsoi Timugon

²⁶ Barakat ra masuang gandum am bunga'. Barakat ri Aki Kapuuno' ru ama' muno lumanja' poyo ka intor ra kalangkayaan ru gunung, ondo' matutuo noyo kaga'. Gama' ru poongoyon ngaangai' barakat no ra ulu ri Jusup, ra rabas ru ulun ondo' painggaluron intor pagaka'-pagaka' nano.

KASAUKAN 49:26 ပူးပေါင်းရင်းမြစ်များ

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

JUNUS 2:6

Timinuun aku saboi ra lonor ru kabuluran, ra intok ondo' garabang kinunsi' suku' ra sabuoi-buoi no. Paat ra painawo kuno mamaar mutus intor ra inan kuno, mangkara' aku ra Tuhan, am mampiau aku Rirun. Okou, iou Tuhan, iningo' pakiasian kuno, giu' ra Baloi Muno ondo' matulai. Intor ra raat ondo' malandom, Okou mamayag raki', iou Tuhan, i Aki Kapuuno' kuno!

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JISAYA 54:10

Kabalu' pana gunung-gunung am bulur-bulur mauyog, kalo langgain Ku monogom rirun. Nabantuan pababansayan Kuno masalok Ku guuton,” kon ru Tuhan ondo' monogom rirun.

MAZMUR 132:18

Tauyuon Ku pantula'-pantula' nano, kaa' karajaan nano moonsoi ayuk am langkaya'.”

MAZMUR 89:36

Ralalom inggalan Ku ra matulai, igondo' aku ayuk mambaal ra bantu' ra sabuoi-buoi no, kalo magabau Aku ri Daut.

UNTABAN 6:2

manaak ra aturan ragitilo ra ulun ru Israil. Paat ra sangulun ungkuyon kapoam ruandu' mokoondo' ra nazar koson patimpokon inan tayar ra Tuhan koson ulun Nazir,

KASAUKAN 37:28

am paat ra mansail kukula' ngaulun mantatalan ru Midian, ingkualo' ru pagaka'-pagaka' nano i Jusup intor ra tulubong no am talano' nilo io ra ulun ru Ismail no ra logo ruo ngoopor ngampila' ruit pirok. Ibito' boo i Jusup ru ulun ru Ismail no ra pagun ru Misir.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

RINALATAN 7:9

“Kaa' nangusolon boo kinamatuaan ru bansa' takali ri Jusup i. Ginio ra talano' nilo io ra pagun ru Misir koson saukon ra ulipon. Kaa' inindangan io ri Aki Kapuuno',

KASAUKAN 37:8

Pangkuot pagaka'-pagaka' nano, “Mampaguang kou kia sumauk ra raja' am mamarinta ramon ngaangai'?” Ginio ra liminanja' sisang nilo ri Jusup sabap ra inupi nano am ra atan ondo' pinabala' no intor ra inupi nano.

KASAUKAN 49:27

“I Binjamin koson ra taani masangit. Paat ra susuab ti mongoi io pansaam ra kana'. Paat ra rondom bibinsangon no.”