KASAUKAN 49:25 - Tanou Moonsoi Timugon

²⁵ I Aki Kapuuno' ri ama' mu noyo nangindangan rirun. Io Ondo' Maayo Kaga' Kuasa' ondo' nambarakat rirun ra rasam intor ra limbowon am timug intor ragana' ru tana', barakat ra masuang sapi' am masuang anak.

KASAUKAN 49:25 ပူးပေါင်းရင်းမြစ်များ

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

PILIPI 4:19

Kalangkayaan ri Aki Kapuuno' ondo' sambaan kuno kalo mauntob, ginio ra ralalom ri Jisus Kristus noyo Io mangukop ra atan ayuk kolondo' ramuyun sumugut ra katulayan Nano.

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.

SAGULION 33:1

Ra kalo poyo minatoi, i Musa, ulipon ri Aki Kapuuno' no, nambarakat ra ulun ru Israil ra ragu-ragu ragitio:

KASAUKAN 43:23

Taam ulipon no, “Pai' pagalabo. Pai' kalaa'. I Aki Kapuuno' mino, iono i Aki Kapuuno' ru ama' mino ondo' napauli ra ruit i ra karung mino. Naapu ku noyo logo ru gandum mini.” Ibito' no boo i Simion risilo.

KASAUKAN 27:28

Gama' ru manaak i Aki Kapuuno' rirun ra bolobou intor ra limbowon am manaak rirun ra tana' mangalabung! Gama' ru manaak Io rirun ra gandum am niayuk wain ra masuang kaga'.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

MAZMUR 85:12

Gagaya' ru ulun magaloi intor ra tana' ti, am katimpakan ri Aki Kapuuno' manginduku' intor ra suruga'.

KASAUKAN 28:21

suku' ra aku makasaguli' ra matanda' ra baloi ri ama' kuli, Okou noyo i Aki Kapuuno' kuno.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

KASAUKAN 35:3

Iruanin takau intok ragitio am mongoi ra Bitil. Giu' no mambaal aku ra rondo' altar ri Aki Kapuuno' ondo' nangindangan raki', paat ra aku makakapaganan am ondo' nagalung raki' ra ati ayuk angayan kuli.”

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

KASAUKAN 32:9

Pakiasi' boo i Jakub, “Iou Aki Kapuuno' ondo' sambaan ru aki kuno i Abragam am i Isak ama' kuno, iningo' aku! Nakaindagu Kono raki' Tuhan ra sumaguli' ra pagun kuli am ra pabukat-pabukat kuno, am tandaan Mu raki' ngaangai'.

KASAUKAN 48:3

Indagu i Jakub ri Jusup, “I Aki Kapuuno' Ondo' Maayo Kaga' Kuasa' minintalang raki' ra Lus giu' ra tana' ru Kanaan, am nambarakat noyo raki'.

KAINGKUALAN 18:4

Minindagu io niayuk ra, “I Aki Kapuuno' ondo' sambaan ru ama' kuli nangindangan am namayag raki' intor ra potoyon ru raja' ru Misir.” Ginio ra ininggalanan no anak ungkuyon no ra sangulun poyo ri Iliijir.)