KASAUKAN 49:22 - Tanou Moonsoi Timugon

²² “I Jusup koson ra sanginan kaladai masigo ra kiing ru taur, sanginan kaladai ra masigo ra kiing ru bulur.

KASAUKAN 49:22 ပူးပေါင်းရင်းမြစ်များ

KASAUKAN 41:52

Kono niayuk, “Nangani' i Aki Kapuuno' raki' ra anak giti ra pagun kaimbalaan kuti.” Ginio ra inggalani' no anak karuo nano i Ipraim.

KASAUKAN 46:27

Anak ungkuyon ri Jusup ondo' inanak ra Misir ruo ngaulun, am suang ru sasambaloi ri Jakub ondo' soroi ra Misir tulu' ngoopor ngaulun.

KASAUKAN 48:1

Kukula' buoi raginio binalaan i Jusup ra ama' nano marualan ra malanjag. Ginio ra ibito' ri Jusup karuo ngaulun anak ungkuyon nano mongoi ilong ri Jakub.

KASAUKAN 48:15

Barakato' no i Jusup, kono, “Gama' ru i Aki Kapuuno' ondo' sambaan ru kinamatuaan kuli i Abragam am i Isak, mambarakat ra anak-anak ti. Gama' ru i Aki Kapuuno' ondo' nagalung raki' saboi orou raiti', mambarakat risilo.

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

KASAUKAN 48:5

Tungguli' poyo ri Jakub, “Jusup, karuo ngaulun anak ungkuyon muno ondo' inanak ra Misir ra kalo poyo nakaratong aku ragiti, iloti aku ra ampu'. I Ipraim am i Manasi mogondo' koson ra anak ungkuyon kuno i Rubin am i Simion.

KASAUKAN 49:23

Pantula' nano mamulunsar riso ra masangit am mangilou riso ra panah.

MAZMUR 128:1

Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

MAZMUR 128:3

Andu' muno masauk koson ra puun ru anggur ondo' malabung ra ralalom ru baloi muno, am ngaangai' anak muno koson ayuk ra abung ru jaitun ondo' nakaliput ra mija' muno.

MAZMUR 80:10

Inulaan Mu io ra tana'; bakat nano rumalalom am sumanai ra titikop ru pagun no.

YEHEZKIEL 19:11

Bulisang-bulisang nano masauk ra maikang saboi masauk ra jujuga' ru pamarintaan. Puun no sumawat makasuku' ra gaun, am kaansayin ru ngaangai' ulun sabap masawat am maawas raun nano.

GOSIA 13:15

Kabalu' pana Israil langkaya' koson ra sakot ondo' malabung, atarin Ku angin sirangon ondo' malasu' intor ra tana' kaagisan am mampapua' ra tulubong am taur ru timug nano. Ngaangai' ondo' mokologo alapon intor riso.