KASAUKAN 49:11 - Tanou Moonsoi Timugon

¹¹ Pinarukug no anak kaladai ra puun anggur, puun anggur ra moonsoi kaga'. Mampupu' io ra konoon nano ra wain, koson ra kinalia' ru raraa'.

KASAUKAN 49:11 ပူးပေါင်းရင်းမြစ်များ

KASAUKAN 49:12

Malia' mato nano sabap ra nanginum ra wain, mapulak ripon nano sabap nanginum ra gatas.

1 RAJA'-RAJA' 4:20

Mamagun ru Jiuda am Israil masuang kaga', nogondo' ra kinasuang ru agis giu' ra kiing ru raat. Maukapan ilo ra akanon am inumon, am niayuk matasu' kaayagan.

1 RAJA'-RAJA' 4:25

Buoi ru Raja' Salomo naayag, mamagun giu' ra titikop ru Jiuda am Israil maayag ra moonsoi, moonong ru sasambaloi mokoondo' ra umo ru anggur am umo ru ara.

2 RAJA'-RAJA' 18:32

saboi ra raja' ru Asyur mapabanding ramuyun giu' ra pagun ondo' nogondo' ra pagun min. Giu' no mokoondo' masuang umo ru anggur ondo' manangampos ra wain am gandum koson mambaal ra ruti'. Pagun no nososok ra puun ru jaitun, am ruu' ru maningot. Amon ru gumagaya' kau ra susuban ru raja', maayag kau am kalo matoi. Pai' karuung ru Raja' Gijkia. Pai' karaa' ra mamayag Tuhan no ramuyun.

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

AMOS 9:13

Indagu Tuhan, “Masaboi paat nano, paat gandum tumuu' ra mataki' saboi bulintok mangkumos kolondo' pupus nano. Puun ru anggur tumuu' ra mataki' kaga' gumayo saboi mambaal ra wain kalo lumonggo'. Wain ra matamis momosok intor ra kagunungan, am tumilis intor ra kabuluran.

MIKA 4:4

Ngaangai' ulun maayag ra kaansayan giu' ra umo ru anggur am umo ru ara nilo; kolondo' sangulun pana mampakalalaa' risilo. Ginio noyo baal ondo' binantu' ru Tuhan Ondo' Maayo Kaga' Kuasa'.

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

SAGULION 8:7

Tuhan i Aki Kapuuno' min tatanga' magibit ramuyun mongoi ra tana' ondo' malabung, tana' ondo' mokoondo' ra sungoi am taur ru timug, am niayuk sungoi boborok giu' ragana' ru tana' ondo' bubuluak mongoi ra limayak-limayak am bulur-bulur;

SAGULION 8:8

tana' ondo' manangampos ra gandum am barli, kawa' ru anggur, kawa' ru ara, kawa' ru dalima', kawa' ru jaitun am ruu' ru maningot.

PINAINTALANG 14:20

Kawa' ru anggur no pagaan ra liwar ru bandar, am intor ra intok pamagaan no nampaliur raraa' koson ra sungoi ondo' galur no talu ngaatus ngakilomito am landom no ruo ngamito.

PINAINTALANG 19:18

Ioginio baangkai ru raja', tingganai ru saujor am saujor; ondo' nanangkuda mabaya' ra kuda-kuda; baangkai ru ngaangai' ulun ru tana', langkaya' am musikin, ulipon am kalo inulipon!”

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.