KASAUKAN 49:10 - Tanou Moonsoi Timugon

¹⁰ Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

KASAUKAN 49:10 ပူးပေါင်းရင်းမြစ်များ

2 SAMUIL 7:13

Io noyo ondo' mambaal Raki' ra baloi, am tutunon Ku maa' raginio saboi ra sabuoi-buoi no sangulun papag nano mamarinta koson ra raja'.

2 SAMUIL 7:16

Magail kou mokoondo' ra papag am patilayunon Ku pamarintaan muno. Pamarintaan muno kolondo' pupus.’ ”

1 TUNUNG RU BANSA' ISRAIL 12:39

Minayan ilo ra giu' no nababaya' ri Daut buoi talu ngoorou. Nambaal ilo ra bunsag maayo ra nangakan am nanginum ondo' tinampos koson risilo ru ulun ru Israil ra bokon.

MAZMUR 108:8

Intor ra intok Nano ondo' matulai indagu i Aki Kapuuno', “Magilakup Aku am tatayaron Ku tana' ru Sikgim, am mantayar ra Limayak Sukot no ra ulun Kuno.

MAZMUR 60:7

Bayago' akai no ra kuasa' Muno; iowo' noyo pakiasian mai, maa' raginio ulun ondo' tagamin Muno maayag.

MAZMUR 60:9

I Giliad am i Manasi Aku ra longgom, i Ipraim pinakatupi' basi' Kuno, am i Jiuda pinakajujuga' ru namarintaan Kuno.

MAZMUR 78:68

Kaa' pinili' No bansa' ri Jiuda am Bulur Sion ondo' topot-topot tagamin No.

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 60:1

Tirong no, am kasauk no ra sinda, okou Jirusalim, sabap ra sinda pamayagan muno minatong noyo; I Aki Kapuuno' nanaak rirun ra sinda intor ra katulayan Nano.

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

YEHEZKIEL 19:11

Bulisang-bulisang nano masauk ra maikang saboi masauk ra jujuga' ru pamarintaan. Puun no sumawat makasuku' ra gaun, am kaansayin ru ngaangai' ulun sabap masawat am maawas raun nano.

YEHEZKIEL 19:14

Tataun ru puun anggur no inakan ru apui, bulisang am kawa' nano nosolob. Bulisang nano kalo boo masauk ra maikang, kalo boo masauk ra jujuga' ru pamarintaan. Gitio noyo rimbai ra manulaboi ondo' rurulion rimbayon ru ulun.

YEHEZKIEL 21:27

Malunsai! Malunsai! Totopot lunsayon Ku bandar ti! Kaa' baal ragitio kalo masauk ra kalo poyo ulun pilion Kuno koson mangukum ra bandar ti matong. Paat raginio pataakon Ku bandar ti riso.’ ”

YEHEZKIEL 21:32

Mapuso kau akanon ru apui. Raraa' min malayak giu' ra pagun min galama'. Kolondo' osoi pana boo makakara' ramuyun.’ ” Tuhan nakaindagu noyo.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

MIKA 5:1

Indagu Tuhan, “Okou Bitligim Iprata, okou rorondo' bandar ondo' boborok kaga' giu' ra pagun ru Jiuda, kaa' intor rirun aniin Ku Israil ra sangulun panguasa'; intor ru kinamatuaan nano timinalimpuun intor ra galing i ayuk poyo.”

AGAI 2:7

Luiron Ku ngaangai' pamarintaan am ngaangai' rapu' nilo ibiton ra giti, saboi Baloi Kuno mososok ra kalangkayaan.

JAKARIA 10:11

Paat ra ilo lumaup ra raat ru kapaganan, Aku, Tuhan mampalamba' ra kinulun ondo' mangimbolo', saboi Sungoi Nil pana mapua' kalingon. Ulun ru Asyur ondo' lumimbau mampainggana' ra guang, am Misir ondo' maikang kaga' matatakan ra kuasa'.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

UNTABAN 21:18

Tulubong ondo' kinali ru panguasa'-panguasa' am ru tingganai-tingganai ru bansa'; kalion ra jujuga' ru raja', am ra jujuga' tatandu' ru kuasa' nilono.” Intor ra tana' kaagisan mongoi ilo ra Matana,

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

UNTABAN 24:19

Manginginjang bansa' ru Israil no risilo, am mamuso ra ngaangai' pantula' ondo' lakat poyo maayag.”

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 21:9

Ulun masuang ondo' minugar siminigulu am timinauli ri Jisus i, tumalimpuun ilo mompogolok, “Omporo' Anak ru raja' Daut! Kabarakat noyo Io ondo' minatong ralalom inggalan ru Tuhan. Omporo' noyo i Aki Kapuuno' Ondo' Masawat Kaga'!”

MATIUS 25:32

Ngaangai' ulun ru tana' ti timungon ra saang Nano. Lilion No ilo ti ra ruo ngantayaran, koson ra magagalung mampalili' ra domba nano intor ra kambing.

JUANIS 12:32

Paat ra Aku ti painsawaton intor ra tana', poongoyon Ku ngaangai' ulun Raki'.”

JUANIS 18:31

Indagu i Pilatus risilo, “Alapo' am ukumi' min Io sumugut ra ukum mino galama'.” Kaa' taam tingganai ru ulun ru Jaudi no, “Kolondo' kuasa' mai mangani' ra ukuman potoyon.” (

JUANIS 19:12

Korongog ri Pilatus ragu raginii, gumogot io mampalabus ri Jisus. Kaa' golok ulun masuang no, “Amon ru palabuson mu Io, sala' ka rangan kou ru Kaisar. Osoi ayuk migiangku ra raja', manggal io niayuk ri Kaisar.”

JUANIS 19:15

Ginio ra golok ilo, “Potoyo' Io! Potoyo' Io! Salipo' Io!” Pangkuot poyo i Pilatus, “Salipon ku kia raja' min ti?” Taam tingganai imam Jaudi no, “Rorondo' ayuk raja' mai, i Kaisar.”

JUANIS 9:7

Indagu boo i Jisus riso, “Ongoi no panginjagup giu' ra kulam Siloam.” (Arati' ru Siloam no, ‘sinusub’.) Ginio ra ongoi ulun i panginjagup am ra io minuli', makakito io no.

ROMA 15:12

Kon poyo ru Nabi Jisaya, “Matong sangulun intor ra papag ru Isai; mamarinta Io ra bansa'-bansa', am lumansan ilo Riso.”

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”