KASAUKAN 48:7 - Tanou Moonsoi Timugon

⁷ Binaal ku gitio sabap ra ina' muli i Ragil. Tatanga' pangkiralanan kuno muli' intor ra bandar Misopotamia, ina' muli minatoi ra tana' ru Kanaan ondo' kalo maalur intor ra Iprata, mangiluk kaga' guang kuno. Linobong ku io giu' ra kiing ru ralan mongoi ra bandar Iprat.” (Raino Iprat mauligan ra Bitligim.)

KASAUKAN 48:7 ပူးပေါင်းရင်းမြစ်များ

KASAUKAN 25:20

Umur ri Isak apat ngoopor ngambilor paat nanangandu' ri Ribika, boborok ri Laban, anak ruandu' ri Bituil, ulun ru Aram intor ra Misopotamia.

KASAUKAN 33:18

Tatanga' pangkiralanan intor ra Misopotamia, pakasuku' i Jakub ra matanda' ra bandar Sikgim giu' ra pagun Kanaan, am pangkim io ra rondo' umo mamaar ra bandar no.

KASAUKAN 35:20

Potolorogo' ri Jakub rondo' batu pangkaraan ra giu' no am lakat ayuk poyo batu no koson tatandu' ru lobong ri Ragil saboi raino ti.

KASAUKAN 35:9

Pakasaguli' i Jakub intor ra Misopotamia, intalang poyo i Aki Kapuuno' am pambarakat riso.

KASAUKAN 48:6

Amon ru makaanak ungkuyon kou poyo, ilono kalo karaan ku ra anak kuno kaa' anak muno. Maapu nilo sugul intor ri Ipraim am i Manasi.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MATIUS 2:18

“Giu' ra pekan Rama, morongog tinangian am sulaboi. Naupus i Ragil ra anak-anak nali, mangiluk toojo guang nano am marara' io simoyoon, sabap ra anak-anak nali minatoi ngai'.”

1 SAMUIL 1:1

Mokoondo' sangulun ungkuyon inggalan no i Ilkana. Ioti intor ra bansa' ru Ipraim ondo' minayan giu' ra bandar Rama, tampilon ra kabuluran Ipraim. I Ilkana ti anak ri Jirogam am akupu ri Iligu. I Ilkana ti intor ra sasambaloi ri Togu, rondo' ra sasambaloi intor ra bansa' ru Jup.

1 SAMUIL 10:2

Mopongo kou mangiruan raki' ra orou raiti', makauma' kou ra ruo ngaulun ungkuyon mamaar ra lobong ri Ragil giu' ra Jilja, giu' ra wilayah Binjamin. Mindagu ilo rirun koson ragitio, ‘Kaladai-kaladai ondo' inuyum muli natuum noyo. Raino ama' muli kalo boo maimamang ra kaladai-kaladai no, kaa' ruruli' mangkuot ra atan ondo' moonsoi baalon nano koson makatuum rirun.’ ”

1 SAMUIL 16:4

Binaal ri Samuil atan ondo' rinagu ru Tuhan no riso. Minongoi io ra Bitligim am tingganai ru bandar no minatong uma' riso ra nonontol ra malaa'. Nangkuot ilo, “Ratangan mutu magibit kia ra kaansayan?”

1 SAMUIL 17:12

I Daut anak ri Isai, ulun ru Iprata intor ra Bitligim giu' ra Jiuda. I Isai mokoondo' ra balu' ngaulun anak ungkuyon am paat ra pamarintaan ru Raja' Saul, i Isai ti matutuo noyo kaga'.