KASAUKAN 48:19 - Tanou Moonsoi Timugon

¹⁹ Kaa' ansang ama' nano ri Jusup, “Nakapandai aku, anak kuno, nakapandai aku. Masauk niayuk papag ri Manasi no ra bansa' maayo. Kaa' boborok nati makakuasa' poyo ka intor riso, am papag nano masauk ra bansa' mangaayo.”

KASAUKAN 48:19 ပူးပေါင်းရင်းမြစ်များ

KASAUKAN 17:4

“Gitio noyo bantu' Kutu rirun: Bantu' Kuno ra okou masauk ra kinamatuaan ru masuang bansa'.

KASAUKAN 25:23

Indagu Tuhan riso, “Mokoondo' ruo bansa' tininai' muno, maganak kou ra ruo bansa' ondo' mantula'; boborok no maikang poyo intor ra maayo no, maayo no makiulipon ra boborok no.”

KASAUKAN 25:28

Maansayan kaga' i Isak no ri Isau sabap ra masuung io mangakan ra kual ru bibiag ondo' linula' ri Isau no, kaa' maansayan kaga' i Ribika no ri Jakub.

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

KASAUKAN 46:3

Kono, “Aku noyo i Aki Kapuuno' sambaan ri ama' muli, pai' kalaa' mongoi ra Misir. Saukon Ku papag muno rondo' bansa' maayo ra giu' no.

KASAUKAN 48:14

Kaa' pasandiapalo' ri Jakub kalindu' nano, pokopoo' no kalindu' pamiris nano ra ulu ri Ipraim kabalu' pana io anak ra mamulok, am kait nano ra ulu ri Manasi ondo' katuaan no.

KASAUKAN 48:18

Kono ra ama' nano, “Sala' ka koon ragino ama'. Gitio anak ra katuaan, pokopoo' noyo kalindu' pamiris muno ra ulu nati.”

JISAYA 7:17

Porotongon ru Tuhan raja' Asyur, am okou mabaya' ra ngaangai' papag muno am niayuk mamagun makaliman ra karaat ondo' malaat kaga' ka atan ondo' natutunan nilo intor ra Israil nakatuliar intor ra Jiuda.

YEHEZKIEL 27:10

“Saujor intor ra Pirsia, Lidia am Libia mangandoi ralalom ru pulalai mangayou muno. Pinatair nilo perisai am tupi' basi' nilo ra timbok-timbok ru bandar muno. Sinauk nilo okou ra mauligan kaga'.

SAGULION 1:10

Sinauk kau noyo ru Tuhan i Aki Kapuuno' mino ra masuang am koson ra kinasuang ru butitin giu' ra limbowon.

SAGULION 33:17

Mokoondo' i Jusup ra kaikangan ru sapi' gawayan, am sangau ru sapi' gawayan ru kataunan. Sangau nano papag ri Manasi ondo' riribu, am papag ri Ipraim ondo' kaaparan ribu. Ra ngaangai' ulun ti nanangau io ra bansa'-bansa', am napagiru' risilo saboi ra pompor ru tana' ti.”