KASAUKAN 48:10 - Tanou Moonsoi Timugon

¹⁰ Mato ri Jakub kalo makakito toojo sabap ra matutuo io noyo. Kalo makito no toojo. Painggaaro' ri Jusup anak-anak nano ri Jakub, ganggali' ri Jakub am alaki' no ilo.

KASAUKAN 48:10 ပူးပေါင်းရင်းမြစ်များ

KASAUKAN 27:1

Paat ri Isak matutuo noyo am noolou mato nano, piawo' no anak katuaan nano, i Isau, am indagu riso, “Anak kuno.” Taam i Isau, “Iou, ama'.”

KASAUKAN 27:27

Inggaar i Jakub mangalok ra ama' nano, pakaalok i Isak ra owou ru bayang nano am pambarakat riso. Indagu i Isak, “Owou maamis ru anak kutu koson owou ru umo ondo' binarakat ru Tuhan.

KASAUKAN 31:55

Katawang ra susuab no, pintor alok i Laban ra akupu-akupu nano am anak-anak ruandu' nano am pambarakat poyo risilo, am ugar boo i Laban saguli' ra baloi nali.

KASAUKAN 45:15

Lakat poyo mantangi', ganggali' ri Jusup pagaka'-pagaka' nano am alok risilo. Kopongo raginio tumalimpuun boo makimansunur sangkaaka' no ri Jusup.

KASAUKAN 48:11

Indagu boo i Jakub ri Jusup, “Indos ku ru kalo boo makapantuum to, kaa' raino pinailong aku ri Aki Kapuuno' ra anak-anak muti niayuk.”

KASAUKAN 48:8

Kakito ri Jakub anak ri Jusup, pangkuot io riso, “Osoi kia anak-anak ungkuyon ti?”

1 RAJA'-RAJA' 19:20

Kopongo raginio iruani' ri Ilisa sapi'-sapi' nano, pangilou ri Ilia am indagu, “Iowo' aku muma' ra matuo kuno galing koson mongoi pintor, am maya' aku rirun.” Taam i Ilia, “Uli' no, kalo inggalarin tokou!”

MAMPATANOU 12:3

Longon min tumontol am kalo boo makapanindung. Kaikangan ru kalayam min lumawo. Ripon min kalo boo maukop koson manapa' ra akanon am mato min kalo boo makakito.

JISAYA 59:1

Pai' karaa' ra Tuhan no malawo kaga' koson mamayag ramuyun, kapoam barat kaga' koson mangkirongog ra pampiawan mino.

JISAYA 6:10

Indagu Io boo raki', “Ngongolo' pangkaraan ru ulun ti, barato' talingo nilono am bolowo' mato nilono maa' raginio kalo makakito ilo, kapoam mokorongog, kapoam makarati'. Amon kalo koson raginio, maaru' lair sumaguli' ilo Raki' am babason.”

SAGULION 34:7

Umur ri Musa maatus am ruo ngoopor ngambilor paat io minatoi. Paat ra io minatoi, lakat poyo maikang inan nano am lakat poyo makakito io.

1 SAMUIL 3:2

Sarandaman raiti, i Ili ondo' matutuo noyo kaga' am mamaar moolou, tatanga' nombolong ra lamin nano.

1 SAMUIL 4:15

Paat raginio umur ri Ili siam ngoopor am balu' ngambilor am mamaar io no moolou.