KASAUKAN 48:1 - Tanou Moonsoi Timugon

¹ Kukula' buoi raginio binalaan i Jusup ra ama' nano marualan ra malanjag. Ginio ra ibito' ri Jusup karuo ngaulun anak ungkuyon nano mongoi ilong ri Jakub.

KASAUKAN 48:1 ပူးပေါင်းရင်းမြစ်များ

KASAUKAN 46:20

Giu' ra Misir makaanak ungkuyon i Jusup ruo ngaulun, iono i Manasi am i Ipraim, ondo' inanak ru andu' nano i Asnat, anak ri Potipira sangulun imam giu' ra Giliopolis.

KASAUKAN 48:2

Kabalai' i Jakub ra nakaratong noyo i Jusup anak nano, ikang io am panturung ra nambalangan nano.

KASAUKAN 48:5

Tungguli' poyo ri Jakub, “Jusup, karuo ngaulun anak ungkuyon muno ondo' inanak ra Misir ra kalo poyo nakaratong aku ragiti, iloti aku ra ampu'. I Ipraim am i Manasi mogondo' koson ra anak ungkuyon kuno i Rubin am i Simion.

KASAUKAN 50:23

Nakarampot io poyo ra anak am akupu ri Ipraim. Nakarampot io poyo nangapu ra anak-anak ri Makir, akupu ri Manasi koson anak nano galama'.

2 RAJA'-RAJA' 13:14

Rondo' paat ri Ilisa, nabi no marualan ra masaran. Paat ri Ilisa maar matoi, Raja' Jigoas, raja' ru Israil no minatong pagilong riso. Liliwa' mantangi' indagu Raja' Jigoas, “Ama' kuno, ama' kuno! Okou noyo manaung ra Israil ondo' mapanggol!”

2 RAJA'-RAJA' 13:20

Kalo nabuoi raginio i Ilisa minatoi am linobong. Moonong bilor, santimungan ulun malaat ru Moab maindalom mamulunsar ra pagun ru Israil.

AYUP 42:16

Kopongo raginio i Ayup naayag maatus am apat ngoopor ngambilor saboi nakakito ra akupu kasaa' am kainduo nano.

MAZMUR 128:6

Gama' ru maawar umur muno am makakito poyo ra ngaangai' akupu muno! Kaansayan rirun Israil!

JUANIS 11:3

Magaka' ra ruandu' ti nampasaboi ra bilin ri Jisus ra; “Tuhan, rangan ra tagamin Muno marualan.”

IBRANI 11:21

Sabap ra pangintapatan noyo, i Jakub nakapambarakat ra ruo anak ri Jusup ra io kalo poyo minatoi. Liliwa' nambarakat, sungka' io ra jujuga' nano am samba io ri Aki Kapuuno'.