KASAUKAN 47:9 - Tanou Moonsoi Timugon

⁹ Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

KASAUKAN 47:9 ပူးပေါင်းရင်းမြစ်များ

KASAUKAN 11:11

Kopongo ragili, naayag io poyo buoi 500 ngambilor am makaanak poyo ra bokon.

KASAUKAN 35:28

Naayag i Isak buoi maatus am balu' ngoopor ngambilor,

KASAUKAN 47:28

Mopor am tulu' ngambilor i Jakub minayan ra Misir, am saboi umur nano maatus apat ngoopor am tulu' ngambilor.

KASAUKAN 47:8

am pangkuot raja' no riso, “Kula' noyo umur muti?”

KASAUKAN 5:27

Io minatoi ra umur nano 969 ngambilor.

KASAUKAN 50:26

Patoi boo i Jusup giu' ra Misir am umur nano maatus am mopor ngambilor. Lataki' nilo baangkai nano ra tutuu' maamis owou am pasuango' ra karanda'.

1 TUNUNG RU BANSA' ISRAIL 29:15

Okou nakapandai, iou Tuhan, ra koson ra kinamatuaan maili, akai pana naayag koson ra ulun minatong am ulun bansa' ru bokon. Kaayagan mai koson ra babara' ondo' mansail, am kalo makalabus akai intor ra kapatayan.

AYUP 14:1

Ulun inanak ra malawo am kalo maikang, kaayagan nilo mariwa' am mapagon.

MAZMUR 119:19

Sangkinolor ayuk aku mayan ra tana' ti; pai' noyo sibunio' ukum Muno raki'.

MAZMUR 119:54

Rabuoi ru bayag kuno ondo' mariwa' ra tana' ti, panusuban Muno saukon ku ra rimbai.

MAZMUR 39:12

Inukum Mu tula ru ulun ra sawai Muno, am koson ra anai, namuso Kou ra kasagaan nilo. Sotopot no kaayagan ru moonong ulun koson ayuk ra mapaabus ra paminawaan ayuk.

MAZMUR 39:13

Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

MAZMUR 39:5

“Iou Tuhan, balai' aku ra orou patayan kuno maa' raginio mapandayan ku mapara' riwa' ru bayag kuno.”

KAINGKUALAN 6:4

Nambaal Aku niayuk ra bantu' risilo. Nambantu' Aku koson mangani' risilo ra tana' ru Kanaan, tana' inayanan nilo ra galing i koson ulun bansa' ru bokon.

KAINGKUALAN 7:7

Umur ri Musa 80 ngambilor am i Arun 83 ngambilor paat ra ilo timinuum ra raja' ru Misir.

2 KORINTUS 5:6

Ginio ra masalok akai kalo malaa'. Nakapandai akai ra buoi mai mayan ra inan ti, maalur akai intor ra ayanan ru Tuhan.

SAGULION 34:7

Umur ri Musa maatus am ruo ngoopor ngambilor paat io minatoi. Paat ra io minatoi, lakat poyo maikang inan nano am lakat poyo makakito io.

IBRANI 13:14

Sabap ra giti ra tana' ti itakau kolondo' pagun randanan, kaa' sotopot no maguyum takau poyo ra randanan ondo' matong no.

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.

JOSUA 24:29

Kopongo raginio i Josua anak ri Nun, ulipon ru Tuhan no minatoi; umur nano 110 ngambilor.

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.