KASAUKAN 47:31 - Tanou Moonsoi Timugon

³¹ Indagu i Jakub, “Pagibot noyo ra suguton mu ginio raki'.” Pagibot i Jusup am paringkuanang i Jakub ra nambalangan nano.

KASAUKAN 47:31 ပူးပေါင်းရင်းမြစ်များ

KASAUKAN 21:23

Ginio ra pagibot no ragiti ra saang ri Aki Kapuuno' ra kalo mamparuung kou raki', anak-anak kuno kapoam papag kuno. Koson raki' minonsoi rirun, koonsoi niayuk raki' am tana' inayanan muti.”

KASAUKAN 21:24

Indagu i Abragam, “Magibot aku.”

KASAUKAN 24:2

Sangarawan ragili, indagu i Abragam ra ulipon matutuo nano ondo' magalung ra ngaangai' rapu' nano, “Poompoyo' kalindu' muno ra lolot ru karuruo puun ru paa kutu am pagibot no.

KASAUKAN 24:26

Igulatur boo ulipon no am samba ra Tuhan.

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

KASAUKAN 31:53

I Aki Kapuuno' ri Abragam am i Nagor ondo' mangakim rito.” Pagibot boo i Jakub ralalom inggalan ri Aki Kapuuno' ondo' sambaan ri Isak ama' nano, koson suguton no bantu' nano.

KASAUKAN 47:29

Paat ra mamaar noyo io matoi, piawo' no anak nano i Jusup am indagu riso, “Poompoyo' kalindu' muno ra lolot ru karuruo puun ru paa kutu, am pagibot noyo ra kalo mompolobong kou raki' ra pagun ru Misir ti.

KASAUKAN 50:25

Pagiboto' boo ri Jusup ngaangai' pabukat nano, kono, “Pabantu' kano raki', ra paat ri Aki Kapuuno' magibit ramuyun ra tana' nabantuan i, ibiton min niayuk baangkai kutu mababaya' ramuyun.”

KASAUKAN 50:5

‘Paat ra ama' kuli maar matoi, nanusub io raki' mabantu' riso ra makilobong io raki' ra kalabangan ondo' pinongo no giu' ra tana' ru Kanaan. Sabap raginio malansan aku mataak mu aku mongoi pompolobong ra ama' kuno. Mopongo ginio sumaguli' aku.’ ”

1 RAJA'-RAJA' 1:47

Ra niayuk poyo, pagawai-pagawai ru istana minumpos minuma' ra Raja' Daut koson mindagu ra maringkuanang riso. Konilo riso, ‘Gama' ru i Aki Kapuuno' muno mapasauk ra Raja' Salomo no mauligan poyo kaga' intor rirun, am gama' ru langkaya' poyo intor ra pamarintaan muno.’ Kopongo raginio igugulatur Raja' Daut giu' ra intok kaalangan nano koson sumamba ra Tuhan,

IBRANI 11:21

Sabap ra pangintapatan noyo, i Jakub nakapambarakat ra ruo anak ri Jusup ra io kalo poyo minatoi. Liliwa' nambarakat, sungka' io ra jujuga' nano am samba io ri Aki Kapuuno'.