KASAUKAN 46:5 - Tanou Moonsoi Timugon

⁵ Ugar boo i Jakub intor ra Birsyiba no. Posokoyo' io ru anak-anak nano, am andu' nilono nabaya' ra anak-anak mongoborok nilono ra kurita' kuda pinaator ru raja' ru Misir.

KASAUKAN 46:5 ပူးပေါင်းရင်းမြစ်များ

KASAUKAN 45:21

Gagayaa' ru anak-anak ri Jakub nanusuban ru raja' no. Anii' ilo ri Jusup ra kukula' kurita' kuda sumugut ra susuban ru raja' i am lutui' ilo ra akanon ra pangkiralanan.

KASAUKAN 45:19

Pagibito' ilo niayuk ra kukula' kurita' kuda intor ragiti, koson sakayan ru andu' am anak mongoborok nilono, am magibit ra ama' nilono matong ragiti.

KASAUKAN 45:27

Kaa' katunung nilo ngaangai' ondo' rinagu ri Jusup i risilo, am kakito no kurita' kuda ondo' pinaator ri Jusup koson sakayan mongoi ra Misir, pakatutun io boo intor ra naliangan.

KAINGKUALAN 10:26

Musiti' akai magibit ra ngaangai' bibiag tinambiag; sanginan pana kalo patatangon. Musiti' mai pilion bibiag tinambiag ondo' pataakon ra Tuhan i Aki Kapuuno' mai. Makasaboi akai ra giu', bagu mai mapandayan ati bibiag tinambiag ondo' pataakon.”

KAINGKUALAN 10:24

Pampiau boo raja' ri Musa am indagu, “Paugaron kau am makasambayang ra Tuhan. Andu' am anak mino niayuk paayaan ramuyun. Kaa' kalo pagibiton kau ra domba, kambing am sapi' min.”

RINALATAN 7:15

Banding boo i Jakub ra pagun ru Misir am giu' i ayuk boo pinatayan nali am niayuk kinamatuaan takali ra bokon i poyo.

KASAUKAN 21:14

Paat ra suabon no, rondomo' anii' ri Abragam i Agar ra akanon am rondo' kantungan ru kungkung sinuangan ra timug. Paibaa' no anak no ri Agar am paugaro' no ruandu' no. Ongoi boo i Agar ra tana' kaagisan ru Birsyiba.

1 SAMUIL 12:8

Paat ri Jakub am sasambaloi nano minongoi ra Misir, am paat ra ulun ru Misir nangimbolo' risilo, kinamatuaan nilai nampiau nakiindangan ra Tuhan. Ginio ra nanusub Tuhan ri Musa am i Arun koson naningganai risilo miningkual intor ra Misir, am niayuk nangindangan risilo liminayun ra pagun ragitio.