KASAUKAN 46:34 - Tanou Moonsoi Timugon

³⁴ balai' min ra magagalung ra biniag ayuk kaayagan mino mogondo' ra kinamatuaan mini. Intor raginio, susubon kau boo mayan ra libung ru Gosyin.” Rinagu ri Jusup ginio sabap ra ulun ru Misir maasaban ilo amon ru sumimpung ra magagalung ra biniag.

KASAUKAN 46:34 ပူးပေါင်းရင်းမြစ်များ

KAINGKUALAN 8:26

Kaa' taam i Musa, “Kalo makapambaal akai ra ngaangai' raginio, sabap ra manginalu ulun ru Misir paat ra makakito ramon mapataak ra bibiag koson taak simbalui ra Tuhan i Aki Kapuuno' mai. Amon ru mamakai akai ra bibiag ondo' maparuol ra guang nilo, bobolon nilo akai ra batu saboi matoi.

KASAUKAN 43:32

Mangakan i Jusup ra rondo' mija' nakatuliar, pagaka'-pagaka' nano mija' ra bokon. Ulun ru Misir ondo' soroi ra giu' no mangakan ra mija' ra bokon poyo, sabap ra maasaban ilo amon ru magulung pangakan ra ulun ru Ibrani.

KASAUKAN 46:32

Balain ku io ra akau ti magagalung ra domba am sapi', am inibit min biniag mino am ngaangai' longgom min.

KASAUKAN 37:12

Sangarawan raginio paat ra pagaka'-pagaka' ri Jusup minongoi ra Sikgim pagalung ra biniag ru ama' nilono,

KASAUKAN 45:10

Makaayan kou ra libung ru Gosyin, makapaginggaar raki' – okou galama', anak-anak muno, akupu-akupu muno, kambing muno, domba muno, sapi' muno am ngaangai' longgom muno.

KASAUKAN 30:35

Kaa' paat ra orou raginio niayuk pansuayo' ri Laban ngaangai' kambing gawayan ra bibiisan kapoam tangkakalut, am ngaangai' kambing ruandu' ra tangkakalut, gumutitikan kapoam makamapulak ra inan nilai no. Pasuayo' no niayuk ngaangai' domba ra maitom. Paalungi' no ra anak-anak ungkuyon nano bibiag raginio.

KASAUKAN 34:5

Naining ri Jakub ra anak ruandu' nano sinawa', kaa' anak-anak ungkuyon nano giu' ra limayak magalung ra biniag, am kalo nambaal io ra atan-atan saboi ilo makauli'.

KASAUKAN 13:7

Kasauk boo pansasangaran ru magagalung ra domba ri Abram am magagalung ra domba ri Lot. (Paat raginio ulun ru Kanaan am ulun ru Piris lakat poyo mayan ra tana' raginio).

KASAUKAN 13:8

Indagu i Abram ri Lot, “Ito ti mabukat, kalo moonsoi amon ru mansasangor ulun-ulun muno am ulun-ulun kuno.

KASAUKAN 26:20

Kaa' ulun magagalung ru bibiag ra bandar Girar makimansangor ra ulun magagalung ru bibiag ri Isak, konilo, “Akai ra timug ti.” Ginio ra inggalani' ri Isak tulubong raginio “Pansangaran”.

KASAUKAN 37:2

Gitio noyo tunung ri Jakub sambaloi: I Jusup sangulun buayoi ondo' umur nano mopor am tulu' ngambilor. Magalung io ra domba am kambing nababaya' ra pagaka' ungkuyon no ra bokon, iono anak ri Bilga am i Jilpa. Ilo ti ruandu' parulug ru ama' nano. Balain ri Jusup ama' nano ra baalon mangalaat ru pagaka'-pagaka' nano.

KASAUKAN 45:18

ongoi pagibit ra ama' am niayuk sasambaloi nilono mongoi ragiti. Aniin ku ilo ra tana' ondo' moonsoi kaga' ra Misir ti, am maulian ilo intor ra maukapan ra bayag nilono.

KASAUKAN 47:3

Pangkuot raja' no risilo, “Atan kandoi min ti?” Taam ilo, “Akai ti magagalung ra biniag mogondo' ra kinamatuaan maili.

KASAUKAN 47:4

Minatong akai ragiti koson mayan ra pagun ti sabap ra bitilan giu' ra tana' ru Kanaan makalalaa' saboi kolondo' sakot ru limayak kotopon ru biniag maino. Malansan akai mangiou kou ramon mayan ra libung ru Gosyin.”

KASAUKAN 47:6

baalo' min tana' ru Misir ti koson akau ra ampu' raino. Polosoon ilo noyo mayan ra libung ru Gosyin, libung ondo' moonsoi kaga' ra pagun ru Misir ti. Amon ru mokoondo' matasik risilo no, paalungin ku biniag kuno galama'.”

KASAUKAN 47:11

Paayano' boo ri Jusup ama' am pagaka'-pagaka' nano ra tana' ru Misir. Anii' no ilo ra rapu' iono tana' ondo' moonsoi kaga' mamaar ra bandar Ramisis, koson ra nanusuban ru raja' no.

KAINGKUALAN 8:22

Kalo mapatiu' Aku ra tampilon Gosyin intok inayanan ru ulun Kuno. Kolondo' bulongor ra giu' no. Mambaal Aku ra baal ragitio maa' raginio makapandai kou ra Aku, Tuhan, makakuasa' ra pagun ti.