KASAUKAN 46:2 - Tanou Moonsoi Timugon

² Paat ra iorondom rondo' intalangan riso, indagu i Aki Kapuuno' riso, “Jakub, Jakub!” Taam io, “Iou, Tuhan.”

KASAUKAN 46:2 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 15:13

Indagu Tuhan riso, “Papag muno masauk ra ulun bansa' ra bokon giu' ra pagun ra bokon. Masauk ilo ra ulipon ra giu' no am uliponon ilo buoi apat ngaatus ngambilor.

KASAUKAN 20:3

Sarandaman ragili, minintalang i Aki Kapuuno' ra raja' no ralalom inupi am indagu, “Matoi kou sabap binundus mu ruandu' no, sabap makaralaki io noyo.”

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

KASAUKAN 22:11

Kaa' pampiau malaikat ru Tuhan intor ra suruga', “Abragam, Abragam!” Taam i Abragam, “Atan Tuhan, giti aku.”

KASAUKAN 31:11

Ralalom inupi kuno minindagu malaikat ri Aki Kapuuno' no raki', kono, ‘Jakub!’ Taam aku, ‘Iou.’

2 TUNUNG RU BANSA' ISRAIL 26:5

Buoi ri Jakaria lakat poyo naayag, Raja' Ujia sumambayang ra Tuhan ra totopot, am i Aki Kapuuno' pana nambarakat riso. Nangila' i Jakaria riso maa' raginio malaa' ri Aki Kapuuno'.

AYUP 4:13

Bolong kutu najajou am napularatan koson nakaupi ra malaat.

DANIL 2:19

Paat rondom raginio niayuk nampatutun i Aki Kapuuno' ra ondo' nakasibuni ra inupi no ri Danil ralalom rondo' pinaintalang. Pongompor i Danil ri Aki Kapuuno' panguasa' giu' ra suruga' am indagu,

JAKARIA 1:8

nakito ku malaikat ru Tuhan nangura' ra sanginan kuda malia'. Minuog io giu' ra rondo' limayak ru puun-puun kemunting. Giu' ra talikuron nano mokoondo' poyo kukula' ngainan kuda – mokoondo' ondo' malia', mokoondo' ondo' tangkakalut, am mokoondo' ondo' mapulak.

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.

UNTABAN 24:4

sangulun ondo' riminongog ra ragu ri Aki Kapuuno'. Nakito ku pinaintalang intor ri Aki Kapuuno' Ondo' Maayo Kaga' Kuasa', liliwa' naaba', kaa' ra nasingkarat mato.

RINALATAN 10:13

Mokoondo' poyo bolos naining no ondo' minindagu, “Pitrus, sukal no! Panimbalui am akano'!”

RINALATAN 10:3

Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”

RINALATAN 16:9

Rondom ragili, nakakito i Paulus ra pagilangan; mokoondo' sangulun Makidonia minigor ra saang nali am mangkimait, kono, “Sandaup kano ra giti am indangano' akai!”

RINALATAN 9:10

Giu' ra Damsyik i mokoondo' sangulun maamaya' ri Jisus makainggalan ri Ananias. Ralalom rondo' pagilangan nakakito io ra Tuhan nampiau riso, ragu Nano, “Ananias!” Taam i Ananias, “Iou Tuhan, giti aku.”

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

TINGGANAI RU BANSA' 7:2

Indagu Tuhan ri Gidion, “Masuang kaga' ulun muno. Kalo masaga' Aku manaak risilo ra kamanangan ra ulun ru Midian. Maaru' mangkara' ilo ra mamanang ilo sabap kaikangan nilo galama', saboi kalo mapatulai Raki'.

TINGGANAI RU BANSA' 7:9

Paat rondom ragili minindagu Tuhan ri Gidion, “Sukal no! Ongoi noyo bulunsaro' nangkiman ru ulun ru Midian. Manaak Aku rirun ra kamanangan risilo.

1 SAMUIL 3:10

Kopongo raginio ratong Tuhan am bigor ra intok raginio am niayuk nampiau poyo riso, “Samuil! Samuil!” Taam i Samuil, “Indagu no, iou Tuhan. Rumongog ulipon Mutu.”

1 SAMUIL 3:4

pampiau Tuhan ri Samuil. Taam i Samuil, “Iou tuan!”