KASAUKAN 46:12 - Tanou Moonsoi Timugon

¹² I Jiuda am anak-anak ungkuyon nano; Syila, Piris am i Jirag, kaa' anak-anak ungkuyon ra bokon no; i Ir am i Onan minatoi noyo giu' ra Kanaan. Anak ungkuyon ri Piris iono i Gijron am i Gamul.

KASAUKAN 46:12 ပူးပေါင်းရင်းမြစ်များ

1 TUNUNG RU BANSA' ISRAIL 4:21

I Sila sangulun intor ra anak ungkuyon ri Jiuda. Papag nano nakaaya' i Ir ondo' nambaal ra bandar Likga; i Lada ondo' nambaal ra bandar Marisa; bansa' ondo' nambaal ra konoon linon, ondo' minayan giu' ra bandar Bit-Asybia;

KASAUKAN 38:10

Atan ondo' binaal nano napasangit ayuk ra Tuhan, am potoyo' io niayuk ru Tuhan.

KASAUKAN 38:7

Paliso ri Ir ti malaat kaga' am gitio kalo mapabansuk ra Tuhan, potoyo' io boo ru Tuhan.

KASAUKAN 29:35

Kaapang poyo igondo' i Liya am paganak sangulun anak ungkuyon. Kono, “Raino ti, mongompor aku ri Aki Kapuuno'.” Inggalani' no boo anak raginio i Jiuda. Kopongo raginio kalo boo naganak i Liya.

PINAINTALANG 5:5

Indagu boo sangulun intor ra tingganai no raki', “Pai' pantangi'! Ilai' noyo! Singa' intor ra bansa' ru Jiuda, papag maayo ru raja' Daut no, nangala io noyo ra kuasa' ru kalaatan. Mamalungkab Io ra tulu' segel am mamingkal ra naskhah rinulun no.”

MAZMUR 78:68

Kaa' pinili' No bansa' ri Jiuda am Bulur Sion ondo' topot-topot tagamin No.

1 TUNUNG RU BANSA' ISRAIL 5:2

Kabalu' pana raginio, bansa' ru Jiuda nasauk ra bansa' ondo' maikang kaga', am intor ra bansa' raginio sangulun nasauk ra mamarinta ra titikop ru bansa' ru Israil.)

1 TUNUNG RU BANSA' ISRAIL 3:1

Gitilo noyo suang ru inggalan ru anak ungkuyon ru Raja' Daut ondo' inanak giu' ra Gibron, sumugut ra umur nilo: I Amnon – ina' nano ininggalanan ri Aginoam intor ra Jijriil I Danil – ina' nano ininggalanan ri Abigail intor ra Karmil I Absalom – ina' nano ininggalanan ri Maakga, anak ruandu' ru Raja' Talmai intor ra Gisur I Adonia – ina' nano ininggalanan ri Gagit I Sipatia – ina' nano i Abital I Jitriam – ina' nano i Igla.

1 TUNUNG RU BANSA' ISRAIL 2:1

I Jakub mokoondo' mopor am ruo ngaulun anak ungkuyon: Rubin, Simion, Liwi, Jiuda, Isakar, Jibulon,

TINGGANAI RU BANSA' 1:2

Taam Tuhan, “Bansa' ru Jiuda. Manaak Aku risilo ra kuasa' koson mampagaau ra pagun no.”

SAGULION 33:7

Intor ra bansa' ru Jiuda, indagu io, “Iou Tuhan, rongogo' noyo piau nilo makiindangan. Pasimpungo' noyo ilo saguli' ra bansa'-bansa' ra bokon. Iou Tuhan, pangayou noyo tayar risilo, am indangano' noyo ilo gumula' ra pantula' nilo.”

KASAUKAN 38:4

Kaapang poyo andu' nano am paganak sangulun anak ungkuyon ininggalanan ri Onan.

KASAUKAN 46:11

I Liwi am anak-anak ungkuyon nano; Girson, Kigat am i Mirari.

KASAUKAN 46:13

I Isakar am anak-anak ungkuyon nano; Tola, Pua, Jasub am i Simron.

RUT 4:12

Gama' ru anak-anak ondo' taakin ru Tuhan rirun intor ra ruandu' mamulok ti mapasauk ra sasambaloi muno koson sasambaloi ri Piris, anak ri Jiuda am i Tamar.”

1 TUNUNG RU BANSA' ISRAIL 9:4

Ngaangai' no mokoondo' 690 ngambaloi intor ra bansa' ru Jiuda ondo' minayan giu' ra Jirusalim, nakaaya' papag ru anak ri Jiuda ondo' ininggalanan ri Piris, Syila am Jirag. Papag ri Piris tiningganai ri Utai. Suang ru papag ri Utai ondo' intor ra puun polos ra untu iono i Utai, Amigud, Omri, Imri am Bani. Papag ri Syila tiningganai ri Asaya. Io noyo tingganai ru sasambaloi. Papag ri Jirag tiningganai ri Jiwil.

KASAUKAN 38:5

Paganak io poyo ra sangulun anak ungkuyon ininggalanan ri Syila. Paat ra anak no inanak, i Jiuda soroi giu' ra Kijib.

1 TUNUNG RU BANSA' ISRAIL 4:1

Gitilo noyo santayaran ra papag ri Jiuda: Piris, Gijron, Karmi, Gur am Siobal.

NIGIMIA 11:24

I Pitaya anak ri Misgijabil intor ra bansa' ru Jira ralalom bansa' ru Jiuda, nasauk ra uakil ru bansa' ru Israil giu' ra istana ru raja' ru Pirsia.