KASAUKAN 45:22 - Tanou Moonsoi Timugon

²² Inanian no ilo sigagama' ra ralinan, kaa' i Binjamin inanian no talu ngaatus ruit pirok am limo bayang ralinan.

KASAUKAN 45:22 ပူးပေါင်းရင်းမြစ်များ

KASAUKAN 43:34

Akanon ra pinabatang risilo no intor ra intok ri Jusup, am pinabatang ri Binjamin indimo suang intor ra pagaka'-pagaka' nano. Pagagakan am pagiginum ilo nababaya' ri Jusup saboi nangagauk.

KASAUKAN 45:23

Pootoro' no ra ama' nano mopor ngainan kaladai ondo' napasakayan ra kuliamos mongoonsoi kaga' intor ra Misir, am mopor kaladai poyo napasakayan ra gandum, ruti' am akanon ra bokon koson lutu' ru ama' nano ra pangkiralanan mongoi ra Misir ra tauli no.

2 RAJA'-RAJA' 5:5

Indagu raja' ru Siria no, “Ongoi no ra raja' ru Israil, am ibito' surat ti riso.” Kopongo raginio ugar i Naaman liliwa' nagibit ra 30,000 ngampila' pirok, 6,000 ngampila' mas am mopor konoon ondo' moonsoi.

PINAINTALANG 6:11

Moonong risilo ti inanian ra sukub ra mapulak. Sinusub ilo boo tumangus ra kula' buoi poyo saboi suang ru rangan mangngandoi am pabukat nilono ondo' potoyon koson risilo no, ukopon galing.

TINGGANAI RU BANSA' 14:12

Kon ri Simson ra ungkuyon-ungkuyon mamulok no, “Rongogo' sundait ragitio. Amon ru makataam kau ra motopot ra kalo poyo makai' tulu' ngoorou bunsag ru paguatan ti, mangani' aku ra moonong ulun rondo' konoon linon malumis am sapasang bayang ondo' moonsoi.

TINGGANAI RU BANSA' 14:19

Namulali' i Simson maikang ru kuasa' ru Tuhan, am ongoi io ra Askilon am namatoi ra talu ngoopor ngaulun ungkuyon ra giu'. Nangalap io ra bayang moonsoi ondo' binayang nilo am pataako' no ginio ra talu ngoopor ngaulun ondo' nakataam ra sundait no. Kopongo raginio, minuli' io ra baloi ra guang pansagulian am siminangit.