KASAUKAN 45:2 - Tanou Moonsoi Timugon

² Io pana nantangi' ra mosongou kaga' saboi maining ru ulun-ulun ru Misir tangi' nano. Tanou raginio nakasuku' ra istana ru raja'.

KASAUKAN 45:2 ပူးပေါင်းရင်းမြစ်များ

KASAUKAN 42:24

Iruani' ri Jusup ilo am kokos pantangi'. Pakaindagu io saguli', ongoi io saguli' risilo, alapo' no i Simion am pabangkili' ra saang nilono.

KASAUKAN 43:30

Ugar pamulali' i Jusup intor ra giu' no, sabap ra mainggaak guang nano moondom ra boborok nano. Kalo boo moorot no, umpos io ra lamin nano am pantangi'.

KASAUKAN 45:14

Ganggali' boo ri Jusup i Binjamin am pantangi' io. Pantangi' niayuk i Binjamin paat ra gumanggol ri Jusup.

KASAUKAN 45:15

Lakat poyo mantangi', ganggali' ri Jusup pagaka'-pagaka' nano am alok risilo. Kopongo raginio tumalimpuun boo makimansunur sangkaaka' no ri Jusup.

KASAUKAN 46:29

sakoi i Jusup ra kurita' kuda nano muma' ra ama' nano ra giu' no. Pakapaguma' ilo, ganggol i Jusup ra ama' nano am pantangi' io ra nabuoi kaga'.

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

UNTABAN 14:1

Nosorondom ulun ru Israil nantatangi' sabap ra magalabo.

RINALATAN 20:37

Nantatangi' ilo ngaangai' liliwa' giminanggol ilo ri Paulus am indagu ra tumoojo.

RUT 1:9

Gama' ru manaak Tuhan ramuyun ra suput ru abuk koson mangindalaki kau poyo.” Karagu no ginii, alok i Naomi risilo am pamintor. Kaa' sisikok nantangi' i Orpa am i Rut.