KASAUKAN 45:15 - Tanou Moonsoi Timugon

¹⁵ Lakat poyo mantangi', ganggali' ri Jusup pagaka'-pagaka' nano am alok risilo. Kopongo raginio tumalimpuun boo makimansunur sangkaaka' no ri Jusup.

KASAUKAN 45:15 ပူးပေါင်းရင်းမြစ်များ

LUKAS 15:20

Io pana minuli' ra ama' nali. Lakat io ayuk poyo maalur ra baloi, nakito io noyo ru ama' nali. Makaasi' kaga' ama' nali saboi nasimbul uma' riso, ganggali' am alaki' no io.

RINALATAN 20:37

Nantatangi' ilo ngaangai' liliwa' giminanggol ilo ri Paulus am indagu ra tumoojo.

MAZMUR 77:4

Bulintok ra aku makakara' ri Aki Kapuuno', mampalaa aku; bulintok ra aku mongoror, kolondo' boo patiguang ku.

2 SAMUIL 14:33

Kopongo raginio minuma' i Joab ra Raja' Daut am nampasaboi ra ragu-ragu ri Absalom. Kopongo raginio pampiau raja' ri Absalom, am ratong i Absalom igugulatur ra saang ru raja'. Nanguma' raja' no riso ra alok.

1 SAMUIL 20:41

Pakaugar lalaing no, miningkual i Daut intor ra tinaulian ru batu pinupug no, am samba intalu. I Daut am i Jonatan nantangi' paat ra ilo nagalok. Kangilukan ri Daut no maayo poyo intor ra kangilukan ri Jonatan.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

RUT 1:14

Sikok poyo ri Rut am i Orpa nantangi'. Pintor boo i Orpa alok ra kalindu' ru iwan nano am uli'. Kaa' marara' i Rut mangiruan ra iwan nano.

RUT 1:9

Gama' ru manaak Tuhan ramuyun ra suput ru abuk koson mangindalaki kau poyo.” Karagu no ginii, alok i Naomi risilo am pamintor. Kaa' sisikok nantangi' i Orpa am i Rut.

KAINGKUALAN 4:27

Liliwa' raginio indagu Tuhan ri Arun, “Ongoi noyo ra tana' kaagisan tuum ri Musa.” Ongoi boo tuum i Arun ri Musa giu' ra gunung matulai, alok i Arun riso.

KASAUKAN 45:2

Io pana nantangi' ra mosongou kaga' saboi maining ru ulun-ulun ru Misir tangi' nano. Tanou raginio nakasuku' ra istana ru raja'.

KASAUKAN 33:4

Kaa' pasimbul i Isau rapog ri Jakub, ganggali' no liog ri Jakub am alaki' no io, am pantangi' ilo ruo.

KASAUKAN 29:13

Kaining ri Laban tanou ri Jakub akon nano, pasimbul io rapog riso. Ganggali' no, alaki' no am ibito' no ra baloi. Katunung ri Jakub ngaangai' ondo' nasauk no,

KASAUKAN 29:11

Alaki' no boo i Ragil am pantangi' ra naansukan.

KASAUKAN 42:24

Iruani' ri Jusup ilo am kokos pantangi'. Pakaindagu io saguli', ongoi io saguli' risilo, alapo' no i Simion am pabangkili' ra saang nilono.

KASAUKAN 45:14

Ganggali' boo ri Jusup i Binjamin am pantangi' io. Pantangi' niayuk i Binjamin paat ra gumanggol ri Jusup.

KASAUKAN 45:16

Paat ra nakasaboi tanou ru pagaka'-pagaka' ri Jusup no ra istana ru raja', naansayan raja' am tingganai-tingganai nano.

KASAUKAN 46:29

sakoi i Jusup ra kurita' kuda nano muma' ra ama' nano ra giu' no. Pakapaguma' ilo, ganggol i Jusup ra ama' nano am pantangi' io ra nabuoi kaga'.