KASAUKAN 43:30 - Tanou Moonsoi Timugon

³⁰ Ugar pamulali' i Jusup intor ra giu' no, sabap ra mainggaak guang nano moondom ra boborok nano. Kalo boo moorot no, umpos io ra lamin nano am pantangi'.

KASAUKAN 43:30 ပူးပေါင်းရင်းမြစ်များ

KASAUKAN 42:24

Iruani' ri Jusup ilo am kokos pantangi'. Pakaindagu io saguli', ongoi io saguli' risilo, alapo' no i Simion am pabangkili' ra saang nilono.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

PILIPI 2:1

Ralalom ru kaayagan min sumimpung ri Kristus mokoondo' kano ra kaikangan. Makaansuk guang mino sabap ra tinagaman kau ri Kristus. Indanganon kau ru Ambiluo ri Aki Kapuuno' am montotogom kau ra bokon am niayuk makaasi' kau ra rondo' am bokon.

PILIPI 1:8

I Aki Kapuuno' noyo sasi' ra totopot moondom aku toojo ramuyun mabaya' ra togom ru guang ri Jisus Kristus galama'.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

1 RAJA'-RAJA' 3:26

Norongog susuban raginio, ina' toojo ru anak no minindagu, “Ampun raja' kuno, pai' potoyo' anak no! Pataako' anak no ra ruandu' ti!” Rinagu ru ina' no ginio sabap ra motogom io kaga' ra anak nano. Kaa' indagu ruandu' ra sangulun no poyo, “Kalo pana taakin anak no ra osoi pana; putulo' noyo anak ti.”

KASAUKAN 45:2

Io pana nantangi' ra mosongou kaga' saboi maining ru ulun-ulun ru Misir tangi' nano. Tanou raginio nakasuku' ra istana ru raja'.

1 JUANIS 3:17

Amon ru sangulun langkaya' makakito ra pabukat musikin nano, kaa' maagat guang nano mangindangan, ati kulaan motogom io rokoon ri Aki Kapuuno'?

2 TIMOTIUS 1:4

Makakara' aku ayuk ra kalumpusan ru guang muli am ginio boo ra aku masaga' toojo mongoi tuum rirun, maa' raginio maansukan aku toojo.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

RINALATAN 20:37

Nantatangi' ilo ngaangai' liliwa' giminanggol ilo ri Paulus am indagu ra tumoojo.

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

RINALATAN 20:19

Mabaya' ra guang minggana' am masuang lomou, nangandoi aku koson ra ulipon ru Tuhan. Kabalu' pana naimbolo' aku ra kalaatan ondo' binaal ru ulun ru Jaudi raki'.

KASAUKAN 46:29

sakoi i Jusup ra kurita' kuda nano muma' ra ama' nano ra giu' no. Pakapaguma' ilo, ganggol i Jusup ra ama' nano am pantangi' io ra nabuoi kaga'.