KASAUKAN 43:26 - Tanou Moonsoi Timugon

²⁶ Pakasaboi i Jusup ra baloi, taaki' nilo riso taak nilono am igulatur ra saang nano.

KASAUKAN 43:26 ပူးပေါင်းရင်းမြစ်များ

KASAUKAN 42:6

I Jusup koson ra gabenor ru pagun ru Misir nantalan ra gandum ra ngaangai' ulun ra titikop ru tana' ti. Ratong boo pagaka'-pagaka' ri Jusup am kubu ra saang nano.

ROMA 14:11

Sabap ra tinulisan noyo ra Buuk Kitab, kon ru Tuhan, “Aku ti i Aki Kapuuno' ondo' maayag, moonong ulun migulatur ra saang Kuno, am poyo mangiou ra Aku ti i Aki Kapuuno'.”

KASAUKAN 27:29

Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

MAZMUR 72:9

Namagun ra tana' kaagisan kumuku' samba ra saang nano am pantula' kuasaan no.

KASAUKAN 43:28

Taam ilo, “Ama' mai ulipon muno, moonsoi io ayuk.” Igulatur ilo am samba ilo ra saang ri Jusup.

KASAUKAN 33:3

Sigulu toojo i Jakub risilo ngaangai' am kubu io ra tana' no intulu' saboi makainggaar io ra maayo nano.

KASAUKAN 43:11

Indagu boo ama' nilono, “Amon ru ginio poyo, baalo' min noyo. Pagibit kau ra karung mino ra ampos moonsoi kaga' intor ra pagun ti koson taak ra gabenor no, sanganu damar, sanganu ruu' maningot, apa' pampagamis ra akanon, kawa' pistasio am kawa' Badam.

KAINGKUALAN 18:7

Ginio ra ingkual i Musa mongoi uma' riso. Igulatur io ra saang ri Jitro am alok riso. Sikuot ilo ra moonsoi ilo kia sigagama', am umpos ra kim ri Musa.