KASAUKAN 42:9 - Tanou Moonsoi Timugon

⁹ Kakara' boo ri Jusup inupi nali risilo, am indagu io boo, “Akau ti mansisigo. Minatong kau ragiti mongoi pangintutun ra kalawaan ru pagun maiti.”

KASAUKAN 42:9 ပူးပေါင်းရင်းမြစ်များ

KASAUKAN 37:11

Mangusolon pagaka'-pagaka' ri Jusup riso, kaa' magail ama' nano mampaguang ra ngaangai' no.

KASAUKAN 42:16

Sangulun intor ramuyun musiti' mongoi pangalap riso. Bokon-bokon no aputon saboi atan rinagu mini motopot toojo. Amon ru kalo motopot, magibot aku ralalom inggalan ru raja' ra mansisigo kau.”

KASAUKAN 42:34

Ibiton min boo pupusan mini tumuum raki'. Gitio kapandayan ku ra sala' ka mansisigo kau, kaa' ulun mangabanis guang. Pasagulion ku boo pabukat mino ramuyun am makaayan kau ra pagun ti am guguang min mangindapu'.’ ”

2 SAMUIL 10:3

kon ru tingganai-tingganai ru Amon ra raja' nilo, “Pai' no pangkara' ra Raja' Daut nangator ra ulun-ulun sinusub no koson mampasaboi ra ragu mangiluk sabap ra masaga' io mangurumat ra ama' muli! Nangator Raja' Daut ra ngaangai' ulun ragiti koson ra pansigo koson tumutun ra bandar ragitio, maa' raginio makuasa' no itakau.”

KAINGKUALAN 32:35

Porotongo' boo ru Tuhan maruol ra ulun raginilo, sabap ra nampajajal ilo ri Arun nambaal ra sinungkalalaing ru sapi' intor ra mas.

UNTABAN 13:2

“Pilio' sangulun ra popolos ru tingganai intor ra moonong bansa' ru Israil, am susubo' ilo mansigo ra tana' ru Kanaan ondo' masaga' Kuno pataakon ra ulun ru Israil.”

LUKAS 20:20

Ginio ra naginaa ilo ra kaluagan moonsoi. Susubo' nilo kukula' ngaulun sumalu ra ulun ondo' mangintopot kunu' Riso mongoi pangkuot koson makaalap ilo ra panguwan mamparakop Riso. Koson raginio mataakan nilo i Jisus ra kuasa' ru gabenor.

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 6:23

Ginio ra ugar ilo nagibit ri Ragab miningkual nababaya' ra ina' ama', pabukat-pabukat, am ngaangai' sasambaloi nano. Binayag nilo ngaangai' ulun no, pabukat ru sasambaloi ri Ragab am poyo ulipon-ulipon nano, am nagibit risilo mongoi ra intok matanda', maar ra pangkiman ru Israil.

TINGGANAI RU BANSA' 1:24

nakauma' ra sangulun ungkuyon ondo' minatong intor ra bandar no. Konilo riso, “Tului' akai ra ralan mumpos ra bandar ti, am moonsoi pamakuan mai ramuyun.”

1 SAMUIL 26:4

Ginio ra nangator io ra kukula' ngaulun pansigo. Binalaan io boo ra motopot Raja' Saul soroi ra giu' no.