KASAUKAN 42:38 - Tanou Moonsoi Timugon

³⁸ Kaa' indagu i Jakub, “Kalo paayaan ku rirun anak kuno. Pagaka' nano minatoi noyo am raino io ayuk soroi. Maaru' makakalaatan masauk riso ra pangkiralanan. Aku ti matutuo noyo am kangilukan porotongon min raki' mangkinibit ra patayan kuno.”

KASAUKAN 42:38 ပူးပေါင်းရင်းမြစ်များ

KASAUKAN 37:35

Ngaangai' anak ungkuyon am anak ruandu' nano minongoi panimayo riso, kaa' marara' io simoyoon. Indagu io, “Mangulir aku ra anak kuli saboi ra aku matoi.” Pangungulir io ra anak nali i Jusup.

KASAUKAN 42:4

kaa' iningaan ri Jakub pongkotob ri Jusup iono i Binjamin, sabap ra malaa' io ru makakalaatan masauk ri Binjamin no.

KASAUKAN 37:33

Nauligan ri Jakub am indagu, “Iou, bayang gitio ri Jusup! Sinaam io ru bibiag masigo. Alii ri Jusup anak kuli minatoi ra bininsang-binsang noyo!”

KASAUKAN 42:13

Indagu ilo, “Tuan, akai ti mopor am ruo ngaulun sangkaaka'. Anak ungkuyon akai ru sangulun ungkuyon minayan ra pagun ru Kanaan. Sangulun intor ramon minatoi noyo am raino ondo' pupusan maino soroi ra ama' maili.”

JISAYA 46:4

Aku magulayun i Aki Kapuuno' min saboi akau matutuo; am magulayun magalung ramuyun saboi akau makauan. Aku napasauk ramuyun am magulayun magalung ramuyun, indanganon am bayagon Takamin.

JISAYA 38:10

Mangkara' aku, paat pompor ru painawo kuno, mongoi aku ra pagun ru ulun minatoi, am orou ra matutuo kalo makaliman aku.

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

MAMPATANOU 1:14

Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAZMUR 90:10

Umur mai tulu' ngoopor ngambilor ayuk, amon ru maikang makasuku' balu' ngoopor; kaa' pagalabaan am kapaganan ayuk malimanan mai; kaayagan mataki' mapupus am akai pana lumiot.

MAZMUR 71:18

Raino matutuo aku no am uanon aku no, pai' aku tatango', iou Aki Kapuuno'. Bayaa' aku bulintok ra aku mapatanou ra kuasa' am katulayan Muno ra ngaangai' papag ra matong ti.

1 RAJA'-RAJA' 2:6

Nakapandai kou ra atan ondo' musiti' baalon; pai' polosoo' ra matoi io mamimio.

KASAUKAN 44:20

Taam akai, ‘Matutuo noyo ama' maino am pupusan maino inanak paat ri ama' matutuo noyo kaga'. Pongkotob nali ra rondo' ina' am ama' minatoi noyo. Raino io sangulun ayuk soroi intor ra anak ru ina' nano, am motogom kaga' i ama' riso.’

KASAUKAN 37:34

Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

KASAUKAN 42:37

Indagu i Rubin ra ama' nano, “Amon ru kalo ibiton ku saguli' i Binjamin ti rirun, potoyon mu ruo ngaulun anak ungkuyon kuno. Paalungi' i Binjamin no raki' am ibiton ku io sumaguli'.”

KASAUKAN 43:13

Ibito' min noyo boborok mino am saguli' kano ra mataki'.

KASAUKAN 44:22

Taam akai boo ra kalo makapansuai ilo magama' no. Amon ru binaal no ginio, matoi ama' nano.

AYUP 41:32

Nampatatang io ra babaya' ondo' makasinda, raat kinulau no nasauk ra puta' ondo' mapulak batik nano.