KASAUKAN 42:16 - Tanou Moonsoi Timugon

¹⁶ Sangulun intor ramuyun musiti' mongoi pangalap riso. Bokon-bokon no aputon saboi atan rinagu mini motopot toojo. Amon ru kalo motopot, magibot aku ralalom inggalan ru raja' ra mansisigo kau.”

KASAUKAN 42:16 ပူးပေါင်းရင်းမြစ်များ

KASAUKAN 42:11

Akai ti sangkaaka'. Sala' ka mansisigo akai tuan, mangabanis guang maiti.”

KASAUKAN 42:30

Indagu ilo, “Malasang ragu ru gabenor pagun ru Misir i ramon am nanguu' ramon ra mongoi pansigo ra pagun nano.

2 SAMUIL 10:3

kon ru tingganai-tingganai ru Amon ra raja' nilo, “Pai' no pangkara' ra Raja' Daut nangator ra ulun-ulun sinusub no koson mampasaboi ra ragu mangiluk sabap ra masaga' io mangurumat ra ama' muli! Nangator Raja' Daut ra ngaangai' ulun ragiti koson ra pansigo koson tumutun ra bandar ragitio, maa' raginio makuasa' no itakau.”

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.