KASAUKAN 41:8 - Tanou Moonsoi Timugon

⁸ Suabon raginio magalabo guang ru raja' no. Ginio ra piawo' no ngaangai' ulun mapandai kaga' ra sihir am makakapandayan mangilong ru pagun ru Misir no. Tunungo' no risilo inupi nano, kaa' kolondo' sangulun pana risilo makapambala' ra arati' ru inupi ru raja' no.

KASAUKAN 41:8 ပူးပေါင်းရင်းမြစ်များ

KASAUKAN 40:6

Pakaratong i Jusup tuum risilo ra suabon no, ilain no ilo koson mangiluk guang.

KASAUKAN 40:8

Taam ilo, “Akai ruo ti naginupi, kaa' kolondo' sangulun pana ragiti makapambala' toojo ra arati' ru inupi maili.” Indagu i Jusup, “I Aki Kapuuno' ayuk makapapaarati' ra inupi. Tunungi' min aku ra inupi mini.”

KASAUKAN 41:15

Indagu raja' no riso, “Nakaupi aku am kolondo' sangulun pana ondo' makapambala' ra arati' no. Binalaan aku ra okou ondo' makapambala' ra arati' ru inupi i.”

KASAUKAN 41:24

Tinolon ru tulu' ngaumi gandum ra nangumpis no tulu' ngaumi gandum ra makaumas no. Tinunung ku inupi kuno ra ulun-ulun mapandai kaga' ra sihir no, kaa' kolondo' sangulun pana risilo makapambala' ra arati' no raki'.”

KASAUKAN 41:7

Tolono' boo ru gandum ra nangumpis no gandum makaumas no. Kakarat boo raja' no am katutuni' no ra naginupi io.

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

KAINGKUALAN 7:11

Kopongo raginio pampiau raja' no ra ulun makakapandayan am ulun mapandai kaga' ra sihir, am ra kapandayan ra sihir, nambaal ilo ra baal nogondo'.

KAINGKUALAN 7:22

Kopongo raginio ulun-ulun mapandai kaga' ra sihir ra pagun ru Misir nambaal niayuk ra baal koson raginio ra kapandayan nilo, saboi bambalingatan noyo raja'. Koson ra rinagu ru Tuhan, marara' raja' mangining ra ragu ri Musa am i Arun.

KAINGKUALAN 8:7

Kaa' ulun mapandai kaga' ra sihir ru Misir niayuk namakai ra kapandayan mapiot nilo, am nangkinibit ra antit-antit no sabulujak saboi nototop titikop ru pagun.

KAINGKUALAN 9:11

Kalo makatuum ulun mapandai kaga' ra sihir no ri Musa sabap ra napuu ilo ra talipos koson ulun ru Misir ra bokon no.

JISAYA 19:3

Ampangin Ku inatangan ru ulun ru Misir am polowoon Ku guang nilono. Makiindangan ilo ra ngaangai' sinungkalalaing nilono, makibilin am makitulu' ilo ra babalian am ambiluo ru ulun namagatoi.

JISAYA 29:14

Ginio ra Aku mapatigog risilo ra lamba' ondo' kolondo' nampaguang. Ilo ondo' mapintar sotopot no sasambungon. Nansalinut kapandayan nilono masauk ra kolondo' onong.”

JISAYA 8:19

Kaa' ulun manusub ramuyun makitulu' intor ra ulun mangilong am babalian ondo' konos-konos am kuniam-kuniam. Mindagu ulun, “Sala' ka kia musiti' takau makitulu' intor ra ulun namagatoi koson kaatangan ru ulun lakat poyo maayag?”

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 4:18

“Ginio noyo inupi kuno. Okou Biltsajar, pambala' ra arati' nano raino. Kolondo' sangulun pana ra ulun maminson kuno makapambala' ra arati' no, kaa' okou makapambala' sabap ra nokoowot kou ra kuasa' intor ra ambiluo ru dewa-dewa ondo' mapasau.”

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

DANIL 4:5

Kaa' paat ra sangarawan ra aku tatanga' nombolong, naginupi aku am nakaalap ra pinaintalang ondo' makalalaa'.

DANIL 4:6

Nanusub aku ra ngaangai' ulun maminson giu' ra Babil maa' raginio matong muma' am mambala' ra arati' ru inupi kuno.

DANIL 4:7

Ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum ibiton muma'. Nantunung aku ra inupi kuno, kaa' kalo makapambala' ilo ra arati' nano.

DANIL 5:11

Mokoondo' sangulun ralalom ru pamarintaan muti ondo' nokoowot ra kuasa' intor ra ambiluo ru dewa-dewa ondo' mapasau. Paat ra pamarintaan ru ama' muno, ulun no nampainono' ra kaligagan, kapandayan am kapintaran koson ra kapintaran ru dewa-dewa. Ama' muno, Raja' Nibukadnijar, nampasauk riso ra tingganai ru ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum.

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

IMAMAT 20:6

“Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

MATIUS 2:1

I Jisus inanak giu' ra pekan Bitligim ra pagun ru Judia paat ra Irodis nasauk ra raja'. Kalo boo nabuoi ragili, kukula' ngaulun magugulig ra butitin riminatong intor ra Sirangon mongoi ra Jirusalim

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 7:22

Ilaa' io ra ngaangai' kapandayan ru ulun ru Misir am kasauk io ra sangulun mapintar, koson matanda' toojo ragu am baalon nano.

1 KORINTUS 1:19

Sabap ra tinulisan noyo ra Buuk Kitab: “Kon ri Aki Kapuuno', ‘Pusoon Ku kapintaran ru ulun mapintar, am liomon Ku pangaratian ru ulun mapandai.’ ”

1 SAMUIL 6:2

nampiau ulun ru Palistin ra imam-imam am ulun-ulun mapandai kaga' ra sihir, am pangkuot, “Atan kinua' baalon takau ra Kaban Nabantuan ru Tuhan no? Amon ru pasagulion takau Kaban no ra intok nali, atan kinua' kuliamos ondo' musiti' pabayaan raginio?”