KASAUKAN 41:43 - Tanou Moonsoi Timugon

⁴³ Anii' no i Jusup ra kurita' kuda ondo' karuo ru raja' ru Misir, am magagalung ayuk ra raja' no siminigulu ugar ra kurita' no liliwa' mompogolok, “Ingkiing kau! Ingkiing kau!” Koson raginio noyo sinauk i Jusup ra gabenor ra titikop pagun ru Misir.

KASAUKAN 41:43 ပူးပေါင်းရင်းမြစ်များ

KASAUKAN 45:8

Ginio ra sotopot no, sala' ka akau nangator raki' kaa' i Aki Kapuuno'. Sinauk No aku ra gabenor ru raja' ru Misir. Aku maningganai ra titikop pagun. Aku no manguasa' ra titikop pagun ru Misir.

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

KASAUKAN 45:26

Konilo nambala' ri Jakub, “Lakat poyo maayag i Jusup! Gabenor io ra titikop ru Misir!” Kaining ri Jakub tanou no nakasioro' io am kalo mangintopot io risilo.

KASAUKAN 42:6

I Jusup koson ra gabenor ru pagun ru Misir nantalan ra gandum ra ngaangai' ulun ra titikop ru tana' ti. Ratong boo pagaka'-pagaka' ri Jusup am kubu ra saang nano.

PILIPI 2:10

Maa' raginio ngaangai' ondo' mayan ra suruga', kapoam ra tana' ti am niayuk ra intok ru ulun namagatoi pana migulatur ra saang ri Jisus.

KASAUKAN 42:33

Taam gabenor i, ‘Kinamin takamin ru mabanis kia guang mino kapoam kalo. Tatangon sangulun intor ramuyun ra pangaputan ondo' nangaputan ramuyun, ondo' bokon no muli' am magibit ra gandum ondo' binali mino koson akanon ru ulun ru baloi mini ondo' nangaitilan.

KASAUKAN 42:30

Indagu ilo, “Malasang ragu ru gabenor pagun ru Misir i ramon am nanguu' ramon ra mongoi pansigo ra pagun nano.

KASAUKAN 41:42

Paguso' ru raja' sinsing intor ra bubua' ru kalindu' nano, ondo' tinatanduan ra kuasa' ru raja' ru Misir, am pasinsingo' ra bubua' ru kalindu' ri Jusup. Pambayango' no i Jusup ra sukub binaal intor ra linon am pansisigoto' no ra sisigot mas.

KASAUKAN 41:44

Indagu raja' no ri Jusup, “Aku noyo raja' – kolondo' sangulun pana ra titikop pagun ru Misir ti makapambaal ra atan-atan amon ru kalo iowon muno.”

KASAUKAN 50:18

Ilo galama' pana minatong am igulatur ra saang ri Jusup. Konilo, “Akai ti ulipon muno.”

ESTER 10:3

I Mordikai, ulun ru Jaudi narayus nampaguut ra kandoi masawat kaga' ragana' ru Raja' Agaswiros galama'. I Mordikai urumaton am kasagain ru ulun rondo' bansa' riso. Piniratan no toojo koson kaatangan am kaansayan ru bansa' nano am niayuk ngaangai' papag nilo.

KASAUKAN 50:9

Sampulalai nangkurita' kuda am nangkuda niayuk minaya' saboi ilo ti masuang kaga'.

ESTER 3:2

Nanusub raja' maa' raginio ngaangai' pagawai ondo' nangandoi ra raja' mangurumat ri Gaman am migulatur riso. Ngaangai' ulun giminagaya' ra susuban no ondo' ak am i Mordikai.

DANIL 2:48

Kopongo raginio nangani' raja' ri Danil ra intok ondo' masawat, nangani' riso ra tangguang-tangguang ra pinaluntuk, nampasauk riso ra panguasa' ru wilayah Babil am tingganai ru ulun maminson ra raja'.