KASAUKAN 40:5 - Tanou Moonsoi Timugon

⁵ Sarandaman raginio, giu' ra pangaputan no, tingganai mansulung ra inumon am tingganai mansulung ra akanon no naginupi am inupi nilai makaarati' ra nansala'.

KASAUKAN 40:5 ပူးပေါင်းရင်းမြစ်များ

KASAUKAN 20:3

Sarandaman ragili, minintalang i Aki Kapuuno' ra raja' no ralalom inupi am indagu, “Matoi kou sabap binundus mu ruandu' no, sabap makaralaki io noyo.”

KASAUKAN 40:1

Kukula' buoi raginio, tingganai mansulung ra inumon am tingganai mansulung ra akanon ru raja' ru Misir makasala ra raja' no.

KASAUKAN 40:4

Nabuoi ilo pinaayan ra nangaputan no am pinaalungan ru tingganai magagalung no ri Jusup karuo ngaulun no.

KASAUKAN 40:6

Pakaratong i Jusup tuum risilo ra suabon no, ilain no ilo koson mangiluk guang.

KASAUKAN 40:8

Taam ilo, “Akai ruo ti naginupi, kaa' kolondo' sangulun pana ragiti makapambala' toojo ra arati' ru inupi maili.” Indagu i Jusup, “I Aki Kapuuno' ayuk makapapaarati' ra inupi. Tunungi' min aku ra inupi mini.”

KASAUKAN 41:11

Sarandaman ragili naginupi akai ruo am inupi maili kalo nogondo' arati' no.

ESTER 6:1

Paat rondom raginio niayuk raja' kalo mokororot. Ginio ra, kitaako' ru raja' maa' raginio tinulisan rasmi ru pamarintaan alapon am nanusub raja' ra ulun mambasa' raginio.

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

DANIL 4:5

Kaa' paat ra sangarawan ra aku tatanga' nombolong, naginupi aku am nakaalap ra pinaintalang ondo' makalalaa'.

DANIL 4:9

Okou Biltsajar, tingganai ru ulun ondo' mapandai, nakapandai aku ra ambiluo ru dewa-dewa ondo' mapasau soroi rirun, am makarati' kou ra ngaangai' ondo' nakasibuni ondo' malandom. Gitio noyo inupi kuno. Pambala' ra arati' nano.

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.