KASAUKAN 40:19 - Tanou Moonsoi Timugon

¹⁹ Ralalom kataluan ti palabuson kou ru raja' – am ingguluin no ulu muno! Mopongo raginio pilikon baangkai muno ra rondo' lugu' am ongoyon boo tinduko' kual muno ru susuit-susuit.”

KASAUKAN 40:19 ပူးပေါင်းရင်းမြစ်များ

KASAUKAN 40:13

Ralalom kataluan ti ampunon kou ru raja' am palabuson kou intor ra pangaputan am pasagulion kou ra kandoi muli. Mampasulung kou ra inumon nano mogondo' koson ra galing i paat ra okou nasauk ra tingganai mansulung ra inumon nano.

KASAUKAN 40:17

Bakul ra ralimbou i mokoondo' nansalinut ruti' ru raja' kaa' ruti'-ruti' no inongoi tinduko' ru susuit i.”

KASAUKAN 40:18

Taam i Jusup, “Gitio arati' no: Talu ngambakul i talu ngoorou.

KASAUKAN 40:20

Pakatalu ngoorou raginio, napaat ra orou naganakan ru raja' no, bunsagi' ru raja' no ngaangai' tingganai nano. Palabuso' no intor ra pangaputan tingganai mansulung ra inumon nano am tingganai mansulung ra akanon nano, am ibito' ra saang ru ngaangai' tingganai ru istana.

KASAUKAN 40:22

kaa' tingganai mansulung ra akanon no iningguluan no. Ngaangai' no nasauk koson ra tinunung ri Jusup i.

KASAUKAN 41:13

Totopot nasauk baal ru inupi maili koson ra rinagu nali. Pinasaguli' mu aku ra kandoi lair kuli, kaa' iningguluan mu tingganai mansulung ra akanon i.”

2 SAMUIL 21:10

Kopongo raginio i Rijpa, ruandu' parulug ru Raja' Saul, napaapin ra konoon karung ra io galama' giu' ra rasawat ru batu intok ru baangkai-baangkai no nakabanta'. Minayan io ra giu' no intor ra talimpuun ru bulintok mangkumos saboi ra rasam riminatu' ra bulintok ru tumutu' raun. Paat ra matawang mangunjau io ra susuit intor ra morop ra baangkai, am paat ra rondom, manindung io ra baangkai no intor ra bibiag masigo.

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

YEHEZKIEL 39:4

I Gog am saujor nano, am niayuk saujor paguum nano matoi giu' ra kagunungan ru Israil. Polosoon Ku baangkai nilo akanon ru susuit am bibiag masigo.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

JOSUA 10:26

I Josua pana namatoi ra raja'-raja' no am nampatair ra baangkai-baangkai no ra limo ngampuun tataun, am pinoloso baangkai ra giu' no saboi mamai'.

JOSUA 8:29

I Josua nampatair ra raja' ru Ai ra sampuun tataun am baangkai no pinoloso ra giu' no saboi mamai'. Paat tumolop mato ru orou, nanusub i Josua ra ulun koson napatuun ra baangkai no am namatir raginio giu' ra saang ru kulobon garabang ru bandar. Pinumpunan nilo baangkai no ra batu saboi nasauk ra rondo' pumpun maayo; batu-batu no lakat poyo soroi ra giu' no saboi ra orou raiti'.

1 SAMUIL 17:44

Indagu io poyo koson manggal ri Daut, “Ibok, pataakin ku inan muno ra susuit kapoam bibiag maa' raginio akanon!”

1 SAMUIL 17:46

Orou raiti' niayuk Tuhan no mapataak rirun ra ralalom ru kalindu' kutu. Kalaan tokou am manginggulu' ra ulu muno. Pataakin ku inan ru saujor Palistin ra susuit am bibiag maa' raginio akanon. Kon raginio noyo ra titikop ru tana' ti makapandai ra akai, bansa' ru Israil ti mokoondo' ri Aki Kapuuno'.