KASAUKAN 4:7 - Tanou Moonsoi Timugon

⁷ Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

KASAUKAN 4:7 ပူးပေါင်းရင်းမြစ်များ

KASAUKAN 19:21

Taam malaikat no, “Ba iou, bandar boborok raginio kalo pusoon ku.

KASAUKAN 3:16

Indagu Tuhan i Aki Kapuuno' ra ruandu' no, “Janjain Ku pagon paat okou maapang am niayuk maruol ra okou maganak. Kabalu' pana raginio, okou lakat ayuk poyo makaguang lumampit ra ralaki muno, kaa' kumuku' kou riso.”

2 SAMUIL 24:23

Tinaakan ri Arauna ngaangai' no ra raja', liliwa' mindagu, “Gama' ru Tuhan, i Aki Kapuuno' muno mangapu ra taak muno.”

2 RAJA'-RAJA' 8:28

Raja' Agajia naguum ra Raja' Joram intor ra Israil koson manggal ra Raja' Gajail intor ra Siria. Pangayawan nasauk giu' ra Ramot, giu' ra Giliad, am napilatan Raja' Joram ralalom ru pangayawan no.

AYUP 11:14

Langgai' noyo mambaal ra tula, am inggaluri' kalaatan intor ra akau sambaloi.

AYUP 11:15

Mopongo raginio umaa' kaayagan ra guang mabanis am mapasau; guang muno maikang am kalo malaa'.

AYUP 29:4

Ginio noyo paat ra aku makakaansayan, paat ri Aki Kapuuno' masauk ra rangan kuno am niayuk manindung ra baloi kuno.

AYUP 42:8

Raino ibito' tulu' ngainan sapi' gawayan am tulu' ngainan domba gawayan ri Ayup, am pataako' ngaangai' no koson ra taak simbalui koson mapabansuk ra guang Kuno, sabap ra kaatangan ru inan min. Makiasi' i Ayup ra tayar min, am iowon Ku pakiasian nano. Aku pana kalo boo manauyu' ramuyun kabalu' pana musiti' kau mangapu ra ukuman. Kalo mindagu kau ra motopot intor Raki' koson ra binaal ri Ayup.”

AMSAL 18:5

Kalo moonsoi sumaung ra ulun malaat, am mangimbolo' ra ulun kolondo' sala.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

JIRIMIA 3:12

Nanusub Tuhan raki' mongoi pampasaboi ra baal ragitio ri Israil, “Israil ondo' kalo gumagaya', saguli' no Raki'. Makaasi' Aku kaga' am kalo sumangit; kalo sumangit Aku rirun ra sabuoi-buoi no.

JIRIMIA 6:20

Atan kia boo onong ru kaminyan intor ra Syiba ondo' inibit nilo Raki', kapoam apa' pampagamis ra akanon intor ra pagun maalur? Marara' Aku mangapu ra taak nilo. Marara' Aku ra taak-taak simbalui nilo.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

MALIAKI 1:10

Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

MALIAKI 1:13

Kamin, ‘Nasuraan akai no ra ngaangai' ti’, am nagasab kau Raki'. Nagibit kau ra bibiag ondo' tinakou, ondo' kimpo', kapoam ondo' marualan koson pataakon raki'. Indoson min kia apuon Ku taak raginio?

MALIAKI 1:8

Paat ra akau mampataak ra bibiag ondo' bolou, ondo' marualan, kapoam ondo' kimpo' koson ra taak ra tayar Kuno, kalo kia baal raginio makasala? Kinami' pataako' bibiag koson raginio ra gabenor! Maansayan io kia ramuyun, am pamakuan ramuyun moonsoi kia?”

UNTABAN 32:23

Kaa' amon ru kalo manugut kau ra bantu', karaa' ra makatula kau ra Tuhan. Sotopot no, ukumin kau sabap ra tula mino.

RINALATAN 10:35

Intor ra ngaangai' bansa', osoi ayuk pana sumamba ri Aki Kapuuno' am mambaal ra motopot, ulun no apuon ri Aki Kapuuno'.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 14:18

Osoi ayuk mangandoi ri Kristus koson raginio, io no ondo' mampakaansuk ri Aki Kapuuno' am urumaton poyo ru ulun.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 6:12

Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

1 TIMOTIUS 5:4

Kaa' amon ru sasangulun napuor no makaanak kapoam akupu, ilo ti musiti' lansanin koson magalung ra sasambaloi nilai galama'. Sabap ragitio ralan nilo mambalos ra indangan ru matuo am aki-aru' nilo am niayuk mampakatasu' ri Aki Kapuuno'.

IBRANI 11:4

Sabap ra pangintapatan noyo, i Abil nampataak ri Aki Kapuuno' ra taak simbalui ondo' moonsoi poyo intor ra taak ri Kain. Sabap ra pangintapatan nali iniou io ri Aki Kapuuno' koson sangulun motopot, sabap ra taak nali napabansuk ra guang ri Aki Kapuuno'. Kabalu' pana lair noyo io minatoi, kaa' lakat poyo migigila' takau ra tiluan ru pangintapatan nali.

JAKUBUS 1:15

Bagu, paat ra kasagaan malaat ru guang imayaan ru sasangulun, makatula io; am amon ru kalo lumonggo' io mambaal ra tula, ginio boo magibit riso ra kapatayan.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.