KASAUKAN 4:4 - Tanou Moonsoi Timugon

⁴ I Abil pana nangalap boo ra sanginan anak domba ondo' anak kasaa' intor ra domba nano am simbaluyo' no, am io pana nampataak ra tayar ondo' moonsoi kaga' ra Tuhan. Naansayan Tuhan ri Abil am taak nano,

KASAUKAN 4:4 ပူးပေါင်းရင်းမြစ်များ

KASAUKAN 15:17

Pokotolop mato ru orou am molondom noyo, pulali' ru rapuan makabaa ondo' makalisun am pilasut napaangan nansail ra lolot ru tinata' ra kual no.

KASAUKAN 4:3

Kukula' buoi raiti, nangalap i Kain ra kukula' ampos ru kandoi nali koson pataakon no ra Tuhan.

1 RAJA'-RAJA' 18:24

Polosoon noyo nabi-nabi Baal makiasi' ra dewa nilo, am aku makiasi' ra Tuhan. Ondo' tumaam am mangator ra apui, Io noyo i Aki Kapuuno'.” Nabaya' ra bolos ondo' mosongou ngaangai' ru mamagun giminolok ra mangiou ilo.

1 RAJA'-RAJA' 18:38

Kopongo raginio nampatuun Tuhan ra apui intor ra limbowon am nonolob ra taak simbalui no nabaya' ra luton, batu am tana' saboi timug giu' ra parit no mapua'.

1 TUNUNG RU BANSA' ISRAIL 21:26

Nambaal Raja' Daut rondo' altar ru Tuhan ra giu' no, am nampataak ra taak simbalui koson mapabansuk ra guang ru Tuhan am taak simbalui koson makibarakat ra Tuhan. Io pana pakiasi' boo am nangiou Tuhan ra pakiasian nano ra namparatu' ra apui intor ra limbowon koson monolob ra taak-taak simbalui raginio giu' ra rasawat ru altar no.

2 TUNUNG RU BANSA' ISRAIL 7:1

Kopongo Raja' Salomo nakiasi', apui riminatu' intor ra limbowon am nonolob ra taak-taak simbalui ondo' pinataak no, am sinda ratangan ru Tuhan nakatikop ra Baloi ru Tuhan.

MAZMUR 20:3

Gama' ru mangator Io ra pangindanganan intor ra Baloi Nano am manaak ramuyun ra juul intor ra Bulur Sion.

KAINGKUALAN 13:12

musiti' kau mapataak ra moonong anak ungkuyon katuaan ra Tuhan. Moonong anak ungkuyon katuaan ru bibiag tinambiag mino Tuhan noyo tatangan.

AMSAL 3:9

Urumato' noyo Tuhan am anii' Io ra taak intor ra rapu' am ampos ru tatanom muno ra moonsoi kaga'.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

UNTABAN 16:15

Siminangit toojo i Musa am indagu ra Tuhan, “Pai' noyo apuo' atan-atan taak intor risilo. Kalo igondo' aku pambaal ra sala risilo; am sanginan kaladai pana kalo igondo' ku alapo' intor risilo.”

UNTABAN 16:35

Kopongo raginio paparatong Tuhan ra apui ondo' nanimbula' am nonolob ra 250 ngaulun ondo' napataak noyo ra kaminyan.

UNTABAN 18:12

Pataakon Ku rirun ngaangai' ampos kasaa' ondo' moonsoi kaga', ondo' pataakon ru ulun ru Israil Raki' ra moonong bilor: umau jaitun, wain am gandum.

UNTABAN 18:17

Kaa' anak katuaan ru sapi', domba am kambing kalo mapuli'; bibiag raginio tayar Kuno ngaangai' am musiti' pataakon koson ra taak simbalui. Pawaso' raraa' ru bibiag no ra altar am solobo' lomok no tayar ru taak akanon; owou no mapabansuk ra guang Kuno.

IBRANI 11:4

Sabap ra pangintapatan noyo, i Abil nampataak ri Aki Kapuuno' ra taak simbalui ondo' moonsoi poyo intor ra taak ri Kain. Sabap ra pangintapatan nali iniou io ri Aki Kapuuno' koson sangulun motopot, sabap ra taak nali napabansuk ra guang ri Aki Kapuuno'. Kabalu' pana lair noyo io minatoi, kaa' lakat poyo migigila' takau ra tiluan ru pangintapatan nali.

IBRANI 9:22

Sumugut ra Ukum ri Musa, maar ngaangai' no takisin ra raraa' koson impasawin; tula ru ulun kalo ampunon amon ru kolondo' raraa' pasasaron.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

TINGGANAI RU BANSA' 6:21

Malaikat ru Tuhan pana nampatutui ra tataun ondo' ginuut nano, am pinakambong pompor ru tataun no ra kual am ruti' no. Napaangan batu no am nangumpo ra kual am ruti' no. Kopongo raginio liot ru malaikat no intor ra pagilangan.

1 SAMUIL 15:22

Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.