KASAUKAN 4:17 - Tanou Moonsoi Timugon

¹⁷ I Kain am andu' nano nokoowot ra anak ungkuyon ondo' ininggalanan ri Ginok. Nambaal boo i Kain rondo' bandar am inggalani' no bandar no sumugut ra inggalan ru anak nano.

KASAUKAN 4:17 ပူးပေါင်းရင်းမြစ်များ

KASAUKAN 11:4

Indagu ilo, “Raino pambaal takau ra bandar am manara ondo' makasuku' ra lingkatur ru limbowon maa' raginio itakau mauligan kaga' ru ulun am kalo makapantuliar ra titikop ru tana' ti.”

KASAUKAN 4:16

Ugar boo i Kain intor ra saang ru Tuhan am ayan io giu' ra tana' ondo' ininggalanan ra “Tanggawan” giu' ra tampilon sirangon ru Idin.

KASAUKAN 4:18

Anak ri Ginok ininggalanan ri Irad. I Irad pana makaanak ininggalanan ri Miguyail. Pakaanak i Miguyail am i Mitusail. Pakaanak i Mitusail am i Lamik.

KASAUKAN 5:18

Paat i Jarid makaumur 162 ngambilor, makaanak ungkuyon io ininggalanan ri Ginok.

KASAUKAN 5:22

Kopongo raginio naayag poyo i Ginok ralalom pasimpungan no ri Aki Kapuuno' buoi 300 ngambilor. Makaanak io poyo ra bokon,

2 SAMUIL 18:18

Buoi ri Absalom naayag, nanirong io ra rondo' batu pangkaraan nano galama' giu' ra Limayak Raja', sabap ra kolondo' io ra anak ungkuyon koson manungkus ra papag nano. Ininggalanan no batu pangkaraan no sumugut ra inggalan nano galama'. Saboi ra orou raiti' batu pangkaraan no nauligan ra Batu Pangkaraan ri Absalom.

MAZMUR 49:11

Osoi pana nakapandai ra ulun mapintar no matoi; ulun sasambungon am ulun gigiison no pana matoi. Tatangon nilo ngaangai' rapu' nilono ra ulun bokon.

MAZMUR 49:12

Kalabangan masauk ra intok nilo mantilayun; giu' no ayanan nilo ra sabuoi-buoi no, kabalu' pana ragili makatana' ilo.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”