KASAUKAN 4:11 - Tanou Moonsoi Timugon

¹¹ Ginio ra inulas kou saboi kalo boo makapanangumo kou ra tana'. Sinosop ru tana' no raraa' ru boborok muno ilain koson ra ginaal no kabang mangapu ra raraa' ru boborok muno paat okou namatoi riso.

KASAUKAN 4:11 ပူးပေါင်းရင်းမြစ်များ

KASAUKAN 3:14

Indagu boo Tuhan i Aki Kapuuno' ra kukuo no, “Inulas kou sabap ra binaal muno; intor ra ngaangai' bibiag okou ayuk magiba' ra ulas: Intor raino mundus kou ayuk ra mugar am mangakan kou ayuk ra kaau ru tana' saboi ra pupus ru bayag muno.

KASAUKAN 4:14

Paugaron Mu aku ra tana' ti, am intor ra saang Muno. Masauk aku boo ra sangulun tumanggau ondo' kolondo' intok ra tana' ti am potoyon aku ru osoi ayuk makatuum raki'.”

KASAUKAN 5:29

Indagu i Lamik, “Anak ragitio mapabansuk paat ra itakau mirot mangandoi ra tana' ondo' inulas ru Tuhan.” Ginio boo inggalani' no anak nano ri Nuu.

AYUP 16:18

Okou tana' ti, kalaatan raki' pai' sibunio'. Pai' pongkororo' golok kuno makitaak ra katimpakan.

JISAYA 26:21

Tuhan matong intor ra intok Nano giu' ra suruga' koson mangukum ra ulun ra tana' ti sabap ra tula nilo. Namatayan ra inopot ra tana' ti masingkual, am lobong pana kalo boo mapasibuni risilo ondo' pinatoi.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

PINAINTALANG 12:16

Kaa' pangindangan tana' no ra ruandu' no koson ukabon kabang nano am tolono' no timug ondo' miningkual ra kabang ru tambuakal no.