KASAUKAN 4:1 - Tanou Moonsoi Timugon

¹ I Adam pana parulug boo ri Awa, andu' nano am kaapang io boo. Ginio ra paganak io sangulun anak ungkuyon am indagu, kono, “Mabaya' ra indangan ru Tuhan nokoowot aku sangulun anak ungkuyon.” Anak no ininggalanan ri Kain.

KASAUKAN 4:1 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

KASAUKAN 3:24

Giu' boo ra tampilon sirangon ru Taman no, Tuhan i Aki Kapuuno' napaayan ra kirub am rondo' ilang makaapui ondo' lumibut ra ngaangai' intok koson mantamung ra puun ondo' mangani' ra bayag. Ginio ra kolondo' sangulun pana makasubol am makainggaar ra puun raginio.

KASAUKAN 4:2

Kalo nabuoi ragili, paganak poyo i Awa sangulun anak ungkuyon ondo' ininggalanan ri Abil. Io nasauk ra magagalung ra domba am i Kain nasauk ra magitanom.

KASAUKAN 4:25

I Adam am i Awa nokoowot poyo ra sangulun anak ungkuyon. Indagu i Awa, “I Aki Kapuuno' nangani' raki' sangulun anak ungkuyon koson ra alig ri Abil ondo' pinatoi ri Kain i.” Ginio boo inggalani' no ri Sit.

KASAUKAN 5:29

Indagu i Lamik, “Anak ragitio mapabansuk paat ra itakau mirot mangandoi ra tana' ondo' inulas ru Tuhan.” Ginio boo inggalani' no anak nano ri Nuu.

MAZMUR 127:3

Anak-anak iono pinataak ru Tuhan; sotopot no ilo tangguang.

UNTABAN 31:17

Raino potoyo' noyo ngaangai' lalaing ungkuyon am ngaangai' ruandu' ondo' kalo boo ralaa,

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.