KASAUKAN 39:4 - Tanou Moonsoi Timugon

⁴ Maansayan i Potipar riso am alapo' no i Jusup ra mangindangan ayuk riso, am paalungi' no ri Jusup baloi am ngaangai' rapu' nano.

KASAUKAN 39:4 ပူးပေါင်းရင်းမြစ်များ

KASAUKAN 15:2

Kaa' taam i Abram, “Iou Tuhan Raja', Atan kia onong ru taak no raki' sabap ra aku kolondo' anak? Ulun ondo' manungkus ra rapu' kuno, iono i Iliijir ayuk, ulipon kuno ulun ru Damsyik no.

KASAUKAN 18:3

am indagu, “Tuan, akau ngaangai' ti, pai' kau sail ayuk ra kalo mapit galing, nakatampos aku noyo manguma' ramuyun.

KASAUKAN 19:19

Iou, nangindangan kono toojo pamayag raki', kaa' kabuluran raginio maalur kaga', maaru' lair masunu' aku ru baal makalalaa' no am matoi aku noyo ra kalo poyo makasaboi ra giu' no.

KASAUKAN 24:2

Sangarawan ragili, indagu i Abragam ra ulipon matutuo nano ondo' magalung ra ngaangai' rapu' nano, “Poompoyo' kalindu' muno ra lolot ru karuruo puun ru paa kutu am pagibot no.

KASAUKAN 32:5

Raino mokoondo' aku ra sapi', kaladai, domba, kambing am ulipon. Nanusub aku mapabala' ragitio rirun ra malansan maansayan kou raki'.’ ”

KASAUKAN 33:10

Kon ri Jakub, “Kalo, alapo' noyo! Aka', amon ru apuon mu aku, alapo' noyo taak kuti. Sabap ra magilong aku ra bulos muno, koson ra magilong aku ra bulos ri Aki Kapuuno', sabap ra masamba kou kaga' raki'.

KASAUKAN 33:8

Pangkuot i Isau, “Atan kia pakuan mu ra sampulalai ondo' nauma' kuni?” Taam i Jakub, “Gitio koson makimasi' aku rirun.”

KASAUKAN 39:8

Marara' i Jusup am indagu ra ruandu' no, “Ilai', tuan kuno lumingongon kalo manalingapu ra atan ayuk pana ra baloi ti, sabap ra soroi aku ragiti. Pinataak no raki' ngaangai' kandoi nano.

1 RAJA'-RAJA' 16:9

I Jimri, sangulun ra pagawai ru raja' ondo' naningganai ra sampiruo intor ra pulalai mangkurita' kuda ru raja', nakimaguum io gumula' ra Raja' Ila. Paat ra sangarawan no, nanginum Raja' Ila saboi nagauk giu' ra baloi ri Arja, maningganai ra istana giu' ra Tirja.

ESTER 2:9

Maansayan kaga' i Igai magilong ri Ester am masaga' riso. Kinataki' ri Igai nangani' ri Ester ra pamabasan ru kinapasau am niayuk akanon ra linuntuk. Nangani' io ri Ester ra lamin ondo' moonsoi kaga' giu' ra ralalom ru istana ruandu' no. Nanusub niayuk i Igai ra tulu' ngaulun ralaa ondo' pinili' timpoko' intor ra istana raja' koson magayam ri Ester.

AMSAL 14:35

Raja' maansukan ra pagawai ondo' mapandai, kaa' ukumin no pagawai ra kalo mapandai mapaugar ra kandoi.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

AMSAL 17:2

Ulipon ra mapintar kuasaan no anak ru tuan nano ra mapakauyu', am tungkuson no santayaran ra rapu' no.

AMSAL 22:29

Ulun maturasik mangandoi pongondoyon ru raja'-raja' am sala' ka ulun kasuangan.

AMSAL 27:18

Ulun magalung ra puun ru nunuk makaakan ra kawa' nano; ulun magalung ra tuan nano tagamin io.

AMSAL 3:4

Amon ru mambaal kou koson raginio, i Aki Kapuuno' am ulun masaga' mangapu rirun.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

RUT 2:6

Tingganai ru mangandoi no nambala', “Io ruandu' bansa' ru bokon ondo' bagu minatong intor ra Moab minaya' ri Noami.

1 SAMUIL 16:22

Raja' Saul pana nangator boo ri Isai ra tanou, “Maansayan aku ri Daut. Iowo' noyo io magulayun ayan ragiti am mangandoi raki'.”

1 SAMUIL 2:26

Kaa' i Samuil, anak no, gumaai sukor am kasagain poyo ru Tuhan am niayuk ru ngaangai' ulun.