KASAUKAN 39:3 - Tanou Moonsoi Timugon

³ Natutunan ru tuan nano ra nangindangan Tuhan no ri Jusup, am ginio boo ra iawo io ra ngaangai' kondoyon nano.

KASAUKAN 39:3 ပူးပေါင်းရင်းမြစ်များ

KASAUKAN 21:20

I Aki Kapuuno' riminondon ri Ismail saboi ra io nasukor. Minayan io ra tana' kaagisan ru Paran am nasauk ra sangulun moporong mampalula'.

KASAUKAN 21:22

Paat raginio Raja' Abimilik am i Pikgol, tingganai saujor nano minongoi tuum ri Abragam am indagu, “Sumimpung i Aki Kapuuno' rirun ra atan ondo' baalon muno.

KASAUKAN 21:23

Ginio ra pagibot no ragiti ra saang ri Aki Kapuuno' ra kalo mamparuung kou raki', anak-anak kuno kapoam papag kuno. Koson raki' minonsoi rirun, koonsoi niayuk raki' am tana' inayanan muti.”

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 26:28

Taam ilo, “Raino makapandai akai ra Tuhan manindung rirun, ginio sabap ra guang mai mabantu' takau. Pagibot no,

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 30:30

Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku. Raino nasaboi noyo paat ra aku mangandoi ra tayar ru sasambaloi kuno galama'.”

KASAUKAN 39:2

Nagalung Tuhan ri Jusup saboi iawo io ra ngaangai' kondoyon nano. Minayan i Jusup ra tuan nano, ulun ru Misir no.

KASAUKAN 39:21

Kaa' nagalung am nambarakat Tuhan no ri Jusup saboi tingganai magagalung ra pangaputan no maansayan ri Jusup.

KASAUKAN 39:23

Kalo pana boo kondoyon ru tingganai magagalung no atan ondo' pinakandayan no ri Jusup, sabap ra magalung Tuhan no ri Jusup saboi iawo io ra atan ayuk kondoyon nano.

2 RAJA'-RAJA' 18:7

Ginio ra Tuhan mabaya' riso, am nakasugut io ra ralalom ru ngaangai' kandoi nano. Giminuor io ra raja' ru Asyur am marara' makiala riso.

1 TUNUNG RU BANSA' ISRAIL 22:13

Amon ru gumagaya' kou ra ngaangai' ru ukum ondo' tinaakan ru Tuhan ra Israil ondo' pinabala' galing ri Musa, makasugut kou. Musiti' kou mangintopot am baani. Pai' kalaa' manguma' ra atan ayuk pana.

1 TUNUNG RU BANSA' ISRAIL 9:20

I Pinigas anak ungkuyon ri Iliajar nakaili' naningganai risilo. Gama' ru Tuhan mabaya' riso!

2 TUNUNG RU BANSA' ISRAIL 1:1

Raja' Salomo, anak ungkuyon ru Raja' Daut nangikang ra pamarintaan nano ra Israil, am Tuhan, i Aki Kapuuno' nano nambarakat riso, am niayuk nampasauk riso ra totopot makakuasa'.

2 TUNUNG RU BANSA' ISRAIL 26:5

Buoi ri Jakaria lakat poyo naayag, Raja' Ujia sumambayang ra Tuhan ra totopot, am i Aki Kapuuno' pana nambarakat riso. Nangila' i Jakaria riso maa' raginio malaa' ri Aki Kapuuno'.

NIGIMIA 2:20

Taam aku, “I Aki Kapuuno' mangunguasa' giu' ra suruga' mangani' ramon ra kasugutan. Akai ti ulipon Nano, am talimpuunin mai mambaal. Kaa' akau kolondo' kuasa' kapoam longgom atan pana giu' ra Jirusalim. Mulu' piboo paat ra ulun mindagu intor ra Jirusalim, inggalan min kalo sasabiton.”

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

1 KORINTUS 16:2

Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

1 SAMUIL 18:14

am nakasugut io nambaal ra ngaangai' kandoi nano sabap ra Tuhan mabaya' riso.

1 SAMUIL 18:28

Nalimanan ru Raja' Saul ra Tuhan mabaya' ri Daut, am i Mikgal anak ruandu' nano malaai ri Daut.

1 SAMUIL 3:19

Siminukor poyo i Samuil. Tuhan mabaya' riso am nambaal ra ngaangai' ondo' rinagu ri Samuil no totopot nasauk.