KASAUKAN 39:11 - Tanou Moonsoi Timugon

¹¹ Paat ra rondo' orou napaat ri Jusup minumpos ra baloi koson mangandoi, kolondo' sangulun pana ulipon soroi ra baloi no.

KASAUKAN 39:11 ပူးပေါင်းရင်းမြစ်များ

IPISUS 5:12

Paat ra ngaangai' no pabalaan, bagu no makito paliso nilo ra sotopot no. (Manabit ayuk ra baal ondo' nakasibuni nilai no pana am makauyuyu' toojo.)

IPISUS 5:3

Akau ti noyo ulun ri Aki Kapuuno'. Ginio ra atan ayuk baal ru pansasawaan, baal makauyuyu' kapoam mangangkum, kalo masauk ra tatanga' min.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

AMSAL 9:17

“Inumon ra tinakou maamis toojo, am mansibuni ra mangakan malanging toojo.”

AYUP 24:15

Ulun ondo' mansawa' maginaa ra mamai', maa' raginio kalo mauligan, taubin nilo bulos.

KASAUKAN 39:10

Kabalu' pana magangat andu' ri Potipar no ri Jusup ra moonong orou, marara' niayuk i Jusup rumulug ra ruandu' no.

KASAUKAN 39:12

Bungkayuto' ru ruandu' no sukub ri Jusup am indagu, “Ibok parulug to.” Kaa' pakalabus io am pagiru' ingkual, am katatang sukub nano ra kalindu' ru ruandu' no.