KASAUKAN 38:26 - Tanou Moonsoi Timugon

²⁶ Nauligan ri Jiuda kuliamos raginio am indagu, “Ruandu' no kolondo' sala. Kalo sinugut ku rinagu kuli riso. Sotopot no paganduon ku io am i Syila.” Kalo boo rinulug ri Jiuda ruandu' no.

KASAUKAN 38:26 ပူးပေါင်းရင်းမြစ်များ

KASAUKAN 37:33

Nauligan ri Jakub am indagu, “Iou, bayang gitio ri Jusup! Sinaam io ru bibiag masigo. Alii ri Jusup anak kuli minatoi ra bininsang-binsang noyo!”

KASAUKAN 38:14

Aligi' no bayang napuor ondo' binayang nano, am silii' no bulos nano ra rondo' rundung. Ongoi io boo panturung ra kulobon garabang ru bandar Inaim, ondo' sasailan mongoi ra Timna. Napandayan ri Tamar ra anak pupusan ri Jiuda iono i Syila nasukor noyo. Kabalu' pana raginio kalo poyo pinagandu' io ru iwan nano ri Syila.

KASAUKAN 4:1

I Adam pana parulug boo ri Awa, andu' nano am kaapang io boo. Ginio ra paganak io sangulun anak ungkuyon am indagu, kono, “Mabaya' ra indangan ru Tuhan nokoowot aku sangulun anak ungkuyon.” Anak no ininggalanan ri Kain.

2 SAMUIL 16:22

Rondo' kim boo biningkal koson ri Absalom giu' ra rasawat ru taap ru istana ondo' marata' no. Kopongo raginio ra saang ru ngaangai' ulun, umpos i Absalom ra ralalom ru kim no am rulug ra ruandu' parulug ru ama' nano.

2 SAMUIL 20:3

Pakasaboi Raja' Daut ra istana nano giu' ra Jirusalim, mopor ngaulun ruandu' parulug ondo' tinatang no mayan ra istana, pinaayan no ra baloi ondo' inalungan ru ulun mantamung. Inukapan ilo ru Raja' Daut, kaa' kalo boo igondo' io rulug risilo. Minayan ilo ra intok ondo' inalungan, am maayag koson ra napuor saboi matoi.

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

AYUP 4:5

Raino okou ti boo ondo' mapagon; nakatigog kou am mangkaus guang.

AYUP 40:5

Minindagu aku nasailan intor ra sotopot no.”

YEHEZKIEL 16:52

Raino nansaan kou kalalaat ra uyu'. Maayo poyo tula muno ka tula ru pabukat-pabukat muno. Ilain ayuk koson ilo kolondo' sala amon ru pogondoon rirun. Musiti' kou mauyu' am mansaan ra uyu', sabap ra pabukat-pabukat muno ilain mapasau.”

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

MATIUS 3:8

Bonsoyo' bayag mino sabap ra ginio noyo tatandu' ra akau timinalikur intor ra tula mino.

JUANIS 8:9

Kaining nilo ragu Nani, rorondo' ilo boo nangiruan ra intok i. Ondo' matutuo i siminigulu mugar, saboi sangulun ayuk boo i Jisus nabaya' ra ruandu' i, ondo' paribigor poyo ra giu' i.

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

1 SAMUIL 24:17

Kopongo i Daut minindagu raginio, indagu Raja' Saul, “Motopot kia ra okou i Daut, anak kuno?” Nantangi' boo Raja' Saul.

1 SAMUIL 24:18

Kopongo raginio indagu Raja' Saul ri Daut, “Topot ra okou noyo ondo' motopot am aku ondo' makasala. Moonsoi kou kaga' raki', kabalu' pana malaat aku rirun.