KASAUKAN 38:25 - Tanou Moonsoi Timugon

²⁵ Tatanga' io ibiton mingkual, panusub i Tamar ra sangulun mapasaboi ra ragu nano ra iwan nali, “Natinayan aku ru ungkuyon ondo' tatangan ra kuliamos ragitio. Tutuno' noyo osoi tatangan ra kuliamos ragitio, saap tatandu' mabaya' ra kalat nati am niayuk susukur ragitio.”

KASAUKAN 38:25 ပူးပေါင်းရင်းမြစ်များ

KASAUKAN 37:32

Ibito' nilo sukub no am pataako' ra ama' nilono am indagu, “Natuum mai gitio. Anak muno kia tatangan ragitio?”

KASAUKAN 38:18

Pangkuot i Jiuda, “Atan kia tatandu' jaminan pakianian muno raki'?” Taam ruandu' no, “Saap tatandu' muno mabaya' ra kalat no am susukur inibit muno.” Anii' ri Jiuda kinitaak ru ruandu' no. Parulug ilo boo am kaapang i Tamar.

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

JIRIMIA 2:26

Indagu Tuhan, “Koson ra mantatakou tinauyu' paat rinakop, koon raginio niayuk ra ulun ru Israil tauyuon, makaaya' raja'-raja' am pagawai-pagawai min, imam-imam am nabi-nabi min.

ROMA 2:16

Ginio ra, maya' ra Tanou Moonsoi ondo' posoboyon kuno, gitio noyo sauk nano ra Orou Pupus no; ralalom inggalan ri Jisus Kristus mangakim i Aki Kapuuno' ra ngaangai' ondo' nasibuni ra guang ru ulun.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.