KASAUKAN 38:10 - Tanou Moonsoi Timugon

¹⁰ Atan ondo' binaal nano napasangit ayuk ra Tuhan, am potoyo' io niayuk ru Tuhan.

KASAUKAN 38:10 ပူးပေါင်းရင်းမြစ်များ

KASAUKAN 46:12

I Jiuda am anak-anak ungkuyon nano; Syila, Piris am i Jirag, kaa' anak-anak ungkuyon ra bokon no; i Ir am i Onan minatoi noyo giu' ra Kanaan. Anak ungkuyon ri Piris iono i Gijron am i Gamul.

2 SAMUIL 11:27

Kopongo panguliran, pinoongoi ru Raja' Daut i Batsyiba ra istana, am nasauk io ra andu' ru Raja' Daut. Kukula' ngansila' raginio, naganak i Batsyiba ra sangulun anak ungkuyon, kaa' kalo maansukan Tuhan ra atan ondo' binaal noyo ru Raja' Daut.

1 RAJA'-RAJA' 17:20

I Ilia pana pakiasi' boo ra bolos mosongou, “Iou Tuhan, i Aki Kapuuno' kuno, kua kia baalo' Mu baal ra masaran ti ra ruandu' napuor no? Pinaayan no aku, kaa' pinatoi Mu anak nati!”

1 TUNUNG RU BANSA' ISRAIL 2:3

I Jiuda mokoondo' limo ngaulun anak ungkuyon. Andu' nano ininggalanan ri Batsyua, sangulun ruandu' ru Kanaan, naganak ri Ir, i Onan am i Sila; i Tamar, anak mangiwan ri Jiuda galama', naganak ri Piris am i Jirag. I Ir, anak katuaan ri Jiuda no malaat kaga', saboi namatoi Tuhan riso.

1 TUNUNG RU BANSA' ISRAIL 21:7

Siminangit i Aki Kapuuno' sabap ra atan ondo' nasauk, Io pana nangukum ra ulun ru Israil.

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

AMSAL 24:18

Mapandayan ru Tuhan amon ru makakurit kau am kalo maansukan Io ra binaal raginio, am kalo boo ukumin no pantula' muno.

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

AGAI 1:13

Kopongo raginio nampasaboi i Agai ra ragu ru Tuhan risilo ra binantu' noyo ru Tuhan mabaya' risilo.

UNTABAN 11:1

Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.

UNTABAN 22:34

Taam i Biliam, “Makatula aku noyo. Kalo nakapandai aku ra minigor kou ra saang koson mongompong raki'. Amon ru guang muno, kalo musiti' no mugar aku, gino poyo muli' aku.”

UNTABAN 26:19

Bansa' ru Jiuda: bansa' ru Syila, Piris, Jirag,

1 SAMUIL 2:25

Amon ru sasangulun no makatula ra ulun, saungon io ri Aki Kapuuno'; kaa' amon ru sasangulun no makatula ra Tuhan, osoi kia boo makasaung riso?” Kaa' anak-anak ri Ili no kalo mampalio ra bilin ru ama' nilono, sabap ra namatas noyo Tuhan no koson mamuso risilo.