KASAUKAN 37:8 - Tanou Moonsoi Timugon

⁸ Pangkuot pagaka'-pagaka' nano, “Mampaguang kou kia sumauk ra raja' am mamarinta ramon ngaangai'?” Ginio ra liminanja' sisang nilo ri Jusup sabap ra inupi nano am ra atan ondo' pinabala' no intor ra inupi nano.

KASAUKAN 37:8 ပူးပေါင်းရင်းမြစ်များ

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 37:4

Pakaliman pagaka'-pagaka' nano ra motogom poyo ama' nilono ri Jusup ka ilo, kasisangin nilo kaga' i Jusup saboi kalo mindagu ilo riso ra bobonsoi.

KASAUKAN 37:9

Paginupi poyo i Jusup, am tunungo' no ra pagaka'-pagaka' nano, “Naginupi aku poyo. Nakakito aku ra mato ru orou, bulan am mopor am rondo' butitin kiminuku' raki'.”

KASAUKAN 42:10

Taam ilo, “Kalo tuan! Minatong akai koson ra ulipon-ulipon muno, mongoi bali ra akanon.

KASAUKAN 44:18

Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'.

KASAUKAN 49:26

Barakat ra masuang gandum am bunga'. Barakat ri Aki Kapuuno' ru ama' muno lumanja' poyo ka intor ra kalangkayaan ru gunung, ondo' matutuo noyo kaga'. Gama' ru poongoyon ngaangai' barakat no ra ulu ri Jusup, ra rabas ru ulun ondo' painggaluron intor pagaka'-pagaka' nano.

KASAUKAN 50:18

Ilo galama' pana minatong am igulatur ra saang ri Jusup. Konilo, “Akai ti ulipon muno.”

MAZMUR 118:22

Batu pinatiran ru ulun-ulun mambabaal ra baloi no nasauk boo ra lugu' maatang.

KAINGKUALAN 2:14

Taam ulun no, “Osoi napasauk rirun ra mangnguasa' am akim mai? Potoyon mu kia aku koson okou namatoi ra ulun ru Misir i?” Malaa' am mangkara' i Musa, “Maaru' napandayan noyo ru ulun binaal kuli.”

LUKAS 19:14

Kaa' mamagun nali galama' pana masisang riso. Pakaugar io, panusub boo mamagun ra ulun mongoi pangator ra bilin riso, kon nilai, ‘Marara' akai ra ulun ti masauk ra raja' mai.’

LUKAS 20:17

Ponontong i Jisus risilo am pangkuot, “Atan guat arati' ragu ru Buuk Kitab ragitio? ‘Batu ondo' inimpayan ru manambaloi nasauk noyo ra batu ondo' maatang kaga'.’

RINALATAN 7:35

“I Musa kalo iniou ru ulun ru Israil. Ginio ra minindagu ilo, ‘Osoi guat nanusub rirun masauk ra tingganai am akim mai?’ Kaa' io no sinusub ri Aki Kapuuno' nasauk ra tingganai am mamamayag, mabaya' ra indangan ru malaikat ondo' nakito no ra bulungkut bibilak i.

SAGULION 33:16

Gama' ru mapanu' tana' nilo ra ngaangai' ondo' moonsoi, tana' ondo' barakaton ra kinoonsoi ru Tuhan, Io ondo' igondo' minindagu intor ra bulungkut ondo' bibilak. Gama' ru barakat-barakat ragitio pasasaron ra papag ri Jusup, sabap ra io tingganai ra gino ngai' ru pongkotob nano.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

1 SAMUIL 10:27

Kaa' mokoondo' kukula' ngaulun malaat ondo' mindagu ra, “Ati kulaan ru ulun ragitio mokoonong ritakau?” Nagasab ilo ra Raja' Saul am kalo nanaak riso ra tangguang, kaa' talingoon bauwi ru Raja' Saul.

1 SAMUIL 17:28

I Iliab, maayo kasaa' ri Daut, nokorongog ra pansunuran ri Daut am saujor-saujor no. Siminangit io ri Daut, am indagu, “Kua ongoi kou ragiti? Osoi ondo' sinusub muno magalung ra domba-domba muno giu' ra tana' kaagisan no? Nakapandai aku, okou ti lalaing malaat, ikakanuo' ra baani; minatong kou ragiti koson milong ayuk ra pangayawan ti, kalo kia?”

1 SAMUIL 18:8

Kalo naansayan Raja' Saul nangkirongog ra rimbai no, am sangit io boo. Indagu Raja' Saul, “I Daut no kinara' namatoi ra opor-opor ngaribu ngaulun pantula', am aku ti kinara' ayuk namatoi ra riribu ngaulun pantula'. Kalo boo mabuoi saukon nilo io ra raja'!”