KASAUKAN 37:7 - Tanou Moonsoi Timugon

⁷ Naginupi aku ra itakau ngai' giu' ra umo ondo' tatanga' mamangkos ra gandum. Gandum ra binangkos kuli timinolorog. Gandum ra binangkos mini liminiput am kuku' ra binangkos kuli.”

KASAUKAN 37:7 ပူးပေါင်းရင်းမြစ်များ

KASAUKAN 27:29

Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

KASAUKAN 37:6

Indagu i Jusup, “Rongogo' min inupi kuli.

KASAUKAN 42:6

I Jusup koson ra gabenor ru pagun ru Misir nantalan ra gandum ra ngaangai' ulun ra titikop ru tana' ti. Ratong boo pagaka'-pagaka' ri Jusup am kubu ra saang nano.

KASAUKAN 42:9

Kakara' boo ri Jusup inupi nali risilo, am indagu io boo, “Akau ti mansisigo. Minatong kau ragiti mongoi pangintutun ra kalawaan ru pagun maiti.”

KASAUKAN 43:26

Pakasaboi i Jusup ra baloi, taaki' nilo riso taak nilono am igulatur ra saang nano.

KASAUKAN 43:28

Taam ilo, “Ama' mai ulipon muno, moonsoi io ayuk.” Igulatur ilo am samba ilo ra saang ri Jusup.

KASAUKAN 44:14

Pakasaboi i Jiuda ilo sangkaaka' ra baloi ri Jusup, lakat poyo soroi i Jusup ra giu' i. Samba ilo riso,

KASAUKAN 44:18

Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'.

KASAUKAN 44:19

Tuan, nangkuot kono ramon, ‘Lakat poyo kia makaama' kau kapoam makapagaka' ungkuyon kau ra bokon?’

KASAUKAN 50:18

Ilo galama' pana minatong am igulatur ra saang ri Jusup. Konilo, “Akai ti ulipon muno.”

PILIPI 2:10

Maa' raginio ngaangai' ondo' mayan ra suruga', kapoam ra tana' ti am niayuk ra intok ru ulun namagatoi pana migulatur ra saang ri Jisus.

KOLOSI 1:18

Io no maningganai ra inan, ioginio pasimpungan ulun Kristian, am Io poyo puun ru kaayagan bagu nilono. Io po Anak Langkuir ri Aki Kapuuno' ondo' binayag saguli' intor ra kapatayan, koson nampasauk Riso ra maatang intor ra ngaangai'.