KASAUKAN 37:4 - Tanou Moonsoi Timugon

⁴ Pakaliman pagaka'-pagaka' nano ra motogom poyo ama' nilono ri Jusup ka ilo, kasisangin nilo kaga' i Jusup saboi kalo mindagu ilo riso ra bobonsoi.

KASAUKAN 37:4 ပူးပေါင်းရင်းမြစ်များ

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 37:11

Mangusolon pagaka'-pagaka' ri Jusup riso, kaa' magail ama' nano mampaguang ra ngaangai' no.

KASAUKAN 37:5

Sarandaman raginio paginupi i Jusup, am katunungi' no pagaka'-pagaka' nano ra inupi nali, giminaai poyo sisang nilai riso.

KASAUKAN 4:5

kaa' kalo naansayan Io ri Kain am taak nano. Ginio ra siminangit kaga' i Kain am kiminarus io toojo.

KASAUKAN 49:23

Pantula' nano mamulunsar riso ra masangit am mangilou riso ra panah.

MAZMUR 38:19

Iowon ku tula kuno; magalabo guang kuno ra nasalaan kuno.

MAZMUR 69:4

Naagui aku nampiau ra makiindangan, am bambalangan kuno maruol. Mato kuno mapari' maginaa ra pangindanganan Muno.

JIRIMIA 12:6

Tinumbalik kou boo napumpung pabukat-pabukat muno galama'; babaya' ilo mamulunsar rirun. Pai' no pangintopot risilo, kabalu' pana ragu nilono maamis.”

MARKUS 3:25

Amon ru sambaloi mantutuliar am mantutula', sambaloi raginio maaru' mabintas ilo.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 JUANIS 2:11

Kaa' ulun ondo' masisang ra pabukat nano, soroi io ayuk poyo ralalom ru kalandaman. Mugar io ralalom ru kalandaman am kalo napandayan ati angayan no, sabap ra kalandaman no mambaal riso kalo makakito.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

1 JUANIS 4:20

Amon ru mokoondo' sangulun mindagu, “Motogom aku ri Aki Kapuuno',” kaa' masisang io ra pabukat nano, ulun no magabau. Ulun ondo' kalo motogom ra pabukat ondo' makito no, mulu' pi nai boo ri Aki Kapuuno' ondo' kalo makito no.

1 SAMUIL 17:28

I Iliab, maayo kasaa' ri Daut, nokorongog ra pansunuran ri Daut am saujor-saujor no. Siminangit io ri Daut, am indagu, “Kua ongoi kou ragiti? Osoi ondo' sinusub muno magalung ra domba-domba muno giu' ra tana' kaagisan no? Nakapandai aku, okou ti lalaing malaat, ikakanuo' ra baani; minatong kou ragiti koson milong ayuk ra pangayawan ti, kalo kia?”