KASAUKAN 37:36 - Tanou Moonsoi Timugon

³⁶ Liliwa' raginio, giu' ra pagun ru Misir, talano' i Jusup ru ulun ru Midian no ri Potipar, iono sangulun intor ra pagawai ru raja' ondo' naningganai ra magagalung ru istana raja'.

KASAUKAN 37:36 ပူးပေါင်းရင်းမြစ်များ

KASAUKAN 40:4

Nabuoi ilo pinaayan ra nangaputan no am pinaalungan ru tingganai magagalung no ri Jusup karuo ngaulun no.

KASAUKAN 37:28

am paat ra mansail kukula' ngaulun mantatalan ru Midian, ingkualo' ru pagaka'-pagaka' nano i Jusup intor ra tulubong no am talano' nilo io ra ulun ru Ismail no ra logo ruo ngoopor ngampila' ruit pirok. Ibito' boo i Jusup ru ulun ru Ismail no ra pagun ru Misir.

JISAYA 56:3

Ulun bansa' ru bokon ondo' sumimpung ra ulun ru Tuhan kalo makaindagu, “Tuhan kalo masaga' ra aku sumamba Riso mababaya' ra ulun Nano.” Ulun ra kinambiri' kalo mangkara' “Kalo masauk aku ra ulun ru Tuhan, sabap ra kolondo' papag Kutu.”

2 RAJA'-RAJA' 25:8

Paat ra orou katulu', sila' kalimo, bilor koopor am siam ra pamarintaan ru Raja' Nibukadnijar intor ra Babilonia, i Nibujaradan, iono panglima ru saujor am maminson ra raja', siminubol ra Jirusalim.

ESTER 1:10

Paat ra orou katulu' ru bunsag no, nanginum raja' saboi naansukan kaga'. Raja' pana nampiau boo ra tulu' ngaulun ungkuyon sida-sida ondo' nasauk ra kambo nano galama': I Miguman, Bijta, Arbona, Bigta, Abagta, Jitar am i Karkas.

KASAUKAN 40:3

pasubolo' no boo ilo ra lamin pangaputan ra baloi ru tingganai magagalung ra istana no, nogondo' ra nangaputan ri Jusup.

KASAUKAN 41:12

Nakapaat raginio mokoondo' sangulun sumbiling ulun ru Ibrani nababaya' ramon. Ulipon io ru tingganai ru magagalung no. Tunungo' mai inupi maili riso am pambala' io ra arati' ru inupi no.

MAZMUR 105:17

Kaa' sinusub No i Jusup magulu risilo; i Jusup tinalan nilo koson ra ulipon.

JIRIMIA 39:9

Pupus no, i Nibujaradan, panglima saujor no, nagibit ra mamagun ondo' lakat poyo giu' ra bandar minongoi ra Babilonia koson ra ulun rinakop. Nagibit io niayuk ra ngaangai' ulun ondo' minaya' riso, minongoi ra Babilonia.

DANIL 2:14

Tuum boo i Danil ri Ariok, tingganai ru ulun magalung ra raja'. Io noyo sinusub koson mampaugar ra ukuman matoi no. Ra pagilalain no,