KASAUKAN 37:34 - Tanou Moonsoi Timugon

³⁴ Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

KASAUKAN 37:34 ပူးပေါင်းရင်းမြစ်များ

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

KASAUKAN 42:38

Kaa' indagu i Jakub, “Kalo paayaan ku rirun anak kuno. Pagaka' nano minatoi noyo am raino io ayuk soroi. Maaru' makakalaatan masauk riso ra pangkiralanan. Aku ti matutuo noyo am kangilukan porotongon min raki' mangkinibit ra patayan kuno.”

KASAUKAN 44:13

Mangiluk kaga' sangkaaka' no saboi ririlako' nilo bayang nilono. Pangkayango' nilo kaladai nilono am ruli' ra bandar no.

2 SAMUIL 1:11

Pokorongog raginio, rinilak ri Daut bayang nano ra mangiluk guang. Ngaangai' ru ulun nano nambaal niayuk raginio.

2 SAMUIL 3:31

Kopongo raginio nanusub Raja' Daut ri Joab am ulun-ulun nano namparilak ra bayang nilo, nambayang ra konoon karung am niayuk nanulaboi ri Abnir. Paat ra nampalabangan, Raja' Daut galama' minugar ra tinaulian ru karanda'.

1 RAJA'-RAJA' 20:31

Pagawai-pagawai ru Raja' Bingadad minuma' riso am indagu, “Nokorongog akai ra raja'-raja' ru Israil makaasi'. Iowo' akai no mongoi uma' ra raja' ru Israil ra mapatapi' ra karung ra awak mai koson tatandu' ru pansagulian guang, am kalat ra liog mai koson tatandu' ru naala. Gama' ru mamayag raja' no rirun raja'.”

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

2 RAJA'-RAJA' 19:1

Pokorongog Raja' Gijkia ra pinabala' nilono, rilako' no bayang nano sabap ra mangiluk. Nambayang io ra bayang karung, am ongoi ra Baloi ru Tuhan.

2 RAJA'-RAJA' 2:12

Kakito ri Ilisa baal raginio, am i pana mompogolok ri Ilia, “Ama' ku, ama' ku! Manaung maikang ru Israil! Minugar noyo i ama'!” Ginio ra liot ri Ilia intor ra pagilangan ri Ilisa. Nabaya' ra kangilukan rilako' ri Ilisa sukub nano nasauk ra ruo rilak.

2 RAJA'-RAJA' 22:11

Pokorongog raja' ra suang ru kitab no, rinilak no bayang nano sabap ra mangiluk.

1 TUNUNG RU BANSA' ISRAIL 21:16

Nakito ru Raja' Daut malaikat no minigor ra pangkilolot ru limbowon am tana' ti, liliwa' nampaguut ra ilang ondo' pinaakang, nakatampos koson mamuso ra Jirusalim. Raja' Daut am tingganai-tingganai pana ondo' nambayang ra karung koson tatandu' pansagulian, kiminuku' nokosonor ra tana'.

1 TUNUNG RU BANSA' ISRAIL 7:22

Ama' nilo nangulir ra ororowon buoi no am pabukat-pabukat nano minatong koson nanimayo riso.

NIGIMIA 9:1

Paat ra orou karuo ngoopor am apat ra sila' raginio niayuk, ulun ru Israil timinimung. Nampali ilo koson mampakito ra pansagulian ilo ra tula nilo. Timinuliar ilo intor ra ngaangai' ulun bansa' ra bokon. Nambayang ilo ra konoon karung am ulu tinaukan ra kaau koson tatandu' mangiluk guang. Kopongo raginio bigor ilo am nangiou ra ngaangai' tula nilo am tula ru kinamatuaan nilo.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

AYUP 16:15

Mambayang aku ra konoon karung tatandu' kangilukan, manturung aku ralimbou ru kaau sabap ra kinala.

AYUP 2:12

Paat ra ilo lakat poyo intor ra maalur, nakakito ilo ri Ayup, kaa' kalo nakaulig riso. Pakaliman ilo ra ulun no i Ayup, nantangi' ilo ra bolos matangil. Rinilak nilo bayang sabap ra mangiluk guang, am nampatauk ra kaau ra rasawat am ra ulu nilo.

MAZMUR 69:11

Paingganaan ku guang kuno ra mampali, kaa' magasab ulun raki'.

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JISAYA 36:22

Kopongo raginio i Iliakim, Sibna, am i Joa namparilak ra bayang sinulungan nilo tatandu' ra ilo mangiluk guang. Ragu-ragu ru pagawai ru Asyur no pinabala' nilo ra Raja' Gijkia.

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

MATIUS 11:21

“Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!

MATIUS 26:65

Tingganai Maayo Imam Jaudi ti pana namparilak ra bayang nali galama' am indagu, “Nagasab Io ri Aki Kapuuno'! Raino kalo pana maguyum takau ra sasi'. Akau ngai' nakaining atan rinagu Nani, ra magasab ri Aki Kapuuno'.

RINALATAN 14:14

Paat ri Barnabas am i Paulus nokorongog ra kasagaan nilai, rilako' nilo bayang nilai am pasimbul ilo ra tatanga' ru ulun masuang am pompogolok,

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”

TINGGANAI RU BANSA' 11:35

Paat nakito ri Jipta anak nano, rinilak-rilak no bayang nano sabap mangiluk guang. Kono, “Alii ra anak kuno, natutuk guang kutu! Kua kia ra anak kutu ondo' maparuol ra guang kutu? Nagibot aku noyo ra Tuhan am kalo malugut ku bantu' kuno!”