KASAUKAN 37:18 - Tanou Moonsoi Timugon

¹⁸ Kakito ru pagaka'-pagaka' no i Jusup intor ra maalur, am kalo poyo nakarapog io risilo, pangatang ilo ra mamatoi riso.

KASAUKAN 37:18 ပူးပေါင်းရင်းမြစ်များ

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 37:19

Pagindagu ilo, “Gitio noyo magiginupi i.

KASAUKAN 50:15

Kopongo pinatayan ru ama' nilono, pagindagu pagaka'-pagaka' ri Jusup no, “Atan nua' koson amon ru mansuli' i Jusup ritakau am mambalos io ra kalaatan takali riso ra galing i?”

KASAUKAN 50:20

Nangatang kau mambaal ra kalaatan raki', kaa' kalaatan no kinulau ri Aki Kapuuno' ra kaansayan, maa' raginio atan ondo' nasauk ra galing i mamayag ra masuang ulun ondo' mainono' ra raino ti.

MAZMUR 105:25

Tuhan noyo nangkinibit ra ulun ru Misir masisang ra ulun Nano, bansa' ru Misir namparuung ra ulipon-ulipon Nano.

MAZMUR 109:4

Manguu' ilo raki', kabalu' pana tagamin ku ilo, am makiasi' aku ri Aki Kapuuno' ra koson risilo.

MAZMUR 31:13

Linilianan aku no koson ra minatoi aku no; aku ti koson ra ginsamol.

MAZMUR 31:14

Masuang maining ku ra ragu intor ra pantula' kuno; ra libung kuno mokoondo' tanou ra malaat kaga'. Maguguum ilo koson makimantula' raki', am mangatang ilo mamatoi raki'.

MAZMUR 37:12

Ulun malaat maguguum tumula' ra ulun moonsoi am masisang magilong risilo.

MAZMUR 37:32

Ulun malaat mongoror ra ulun moonsoi am maguyum ilo ra kaayatan koson mamatoi risilo;

MAZMUR 94:21

mampapakat ilo tumula' ra ulun moonsoi, am ukumin nilo potoyo' ulun ra kolondo' sala.

MATIUS 21:38

Kaa' paat ra ulun-ulun naniwa' i nakakito ra anak ru tatangan ra umo ti, pagindagu ilo ngaangai', ‘Io gitio anak ru tatangan ra umo ti. Ibok, potoyo' takau io, maa' raginio makaalap takau ra tungkuson nano!’

MATIUS 27:1

Paat ra tumawang ngaangai' tingganai imam Jaudi am tingganai ru ulun ru Jaudi namatas ra mamatoi ri Jisus.

MARKUS 12:7

Kaa' ulun-ulun naniwa' no nagindagu ra ilo-ilo ayuk, ‘Gitio anak nati ondo' manungkus ra rapu' nati, moonsoi potoyon takau. Tauli no itakau tatangan ra rapu' ti!’

MARKUS 14:1

Pangiantakan ra Ruti' Kalo Linatakan ra Ragi am Pangiantakan ra Paska, karuaan poyo am tumalimpuun. Tingganai imam Jaudi am mangingila' ra Ukum ri Musa maguyum ra ralan koson mamparakop am mamatoi ri Jisus, koson kalo mapandayan ru ulun ra bokon.

JUANIS 11:53

Intor orou ragili niayuk tingganai ru ulun ru Jaudi nampapakat mamatoi ri Jisus.

RINALATAN 23:12

Nokorondom io ra suabon no, naguguum ulun ru Jaudi. Nagigibot ilo ra kalo mangakan am manginum amon ru kalo poyo mapatoi nilo galing i Paulus.

1 SAMUIL 19:1

Nambala' Raja' Saul ri Jonatan, anak ungkuyon nano am ngaangai' ru pagawai nano ra nangatang io koson mamatoi ri Daut. Kaa' motogom kaga' i Jonatan no ri Daut,