KASAUKAN 37:14 - Tanou Moonsoi Timugon

¹⁴ Indagu ama' nano, “Ongoi ilai' ru mongoonsoi ayuk kia pagaka'-pagaka' muno am biniag no, am saguli' pambala' raki'.” Ginii noyo napaugaran ru ama' nano ri Jusup intor ra Limayak Gibron. Pakasuku' i Jusup ra Sikgim,

KASAUKAN 37:14 ပူးပေါင်းရင်းမြစ်များ

KASAUKAN 13:18

Ginio ra pabandingo' ri Abram kim nano am pamagun io mamaar ra puun-puun matulai giu' ra Mamri maar ra Gibron. Giu' no nambaalan nano ra altar ru Tuhan.

KASAUKAN 23:19

Kopongo raginio, lobongo' ri Abragam andu' nano i Sara ra luang batu Makpila ra tana' ru Kanaan.

KASAUKAN 23:2

Intok pinatayan nano Gibron ra tana' ru Kanaan. Nangulir i Abragam ra pinatayan ru andu' nano.

KASAUKAN 29:6

Pangkuot io poyo, “Moonsoi io kia?” Taam ilo, “Moonsoi ayuk. Ilai', ginio i Ragil, anak ruandu' ri Laban no minatong nangayur ra domba ru ama' nano.”

KASAUKAN 35:27

Minongoi i Jakub tuum ri Isak, ama' nano giu' ra Mamri mamaar ra Gibron. Giu' no intok namagunan ri Abragam am i Isak ra galing i.

KASAUKAN 37:15

ijajawot io ra giu' no am katuum io ru sangulun ungkuyon ondo' nangkuot riso, “Atan kia uyumon muno?”

KASAUKAN 41:16

Taam i Jusup, “Raja' mai ra matulai kaga', sala' ka aku kaa' i Aki Kapuuno' ondo' makapambala' ra arati' ru inupi no ra motopot.”

KASAUKAN 43:27

Pangkuot i Jusup ra tanou nilo sigagama' am indagu, “Atan tanou ri ama' min ondo' pinatunung min raki'? Ati kulaan riso i? Moonsoi io kia?”

2 SAMUIL 11:7

Paat ri Uria nakasaboi, nangkuot Raja' Daut riso intor ra baal ri Joab am saujor ru Israil, am baal ru pangayawan.

2 SAMUIL 18:32

Pangkuot raja' no riso, “Naayag kia i Absalom, ulun mamulok no?” Kopongo raginio taam ulipon no, “Polosoon ngaangai' pantula' muno, ngaangai' ulun giminuor rirun makaili' ra nasip ondo' nogondo' koson ra ungkuyon mamulok no.”

1 RAJA'-RAJA' 2:33

Ukuman ra namatayan ra ruo ngaulun tutumula' no saanin ri Joab am papag nano saboi ra sabuoi-buoi no. Kaa' masalok Tuhan mangani' ra kasugutan ra papag ru Raja' Daut ondo' nanturung ra kurisi' nano.”

ESTER 2:11

Moonong orou mugar-ugar ri Mordikai giu' ra liliut tampilon ra saang ru istana ruandu' no koson makapandai ra ati kulaan baal ri Ester, am atan ondo' masauk riso.

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

JIRIMIA 29:7

Pangandoi no koson ra kalangkayaan ru bandar intok namatiran Kuno ramuyun. Pakiasi' kano Raki' koson ra kaatangan ru bandar raginio, sabap amon ru bandar no langkaya', akau pana langkaya'.

UNTABAN 13:22

Pagulu minongoi ilo tampilon rabugus ru tana' no am nakasaboi ra bandar Gibron, intok inayanan ru bansa' ru Agiman, Sisai am Talmai, ngaangai' no papag ru maayo ulun ondo' sabiton ra Inak. Bandar Gibron no binaal ra tulu' ngambilor ra kalo poyo bandar Soan giu' ra Misir.

LUKAS 19:42

indagu Io, “Mumpara' bonsoi no ru matutunan mu ngaangai' ondo' magibit ra kaansayan! Kaa' saboi raino, kalo matutunan mu.

JOSUA 14:13

I Josua nambarakat ri Kalib anak ri Jipuni am nanaak riso ra bandar Gibron koson longgom nano.

JOSUA 14:14

Saboi raino Gibron lakat poyo linonggom ru papag ri Kalib anak ri Jipuni, ulun ru Kinas no, sabap giminagaya' io toojo ra Tuhan i Aki Kapuuno' ru ulun ru Israil.

JOSUA 14:15

Kalo poyo raginio Gibron sabiton ra bandar longgom ri Arba. (I Arba iono ulun bansa' ru Inak ondo' maayo kaga'.) Raino pagun raginio mamimio sabap kolondo' boo pangayawan.

TINGGANAI RU BANSA' 1:10

Namulunsar ulun ru Jiuda ra ulun ru Kanaan ondo' minayan giu' ra bandar Gibron, ondo' ragili ininggalanan ra Kiryat-Arba. Giu' no kinala nilo bansa' Sisai, Agiman am Talmai.

1 SAMUIL 17:22

Patatango' ri Daut akanon no ra ulun magalung ra kuliamos ru saujor, am pasimbul minongoi ra intok pangayawan koson mongoi uma' ra maayo-maayo nano, am nangkuot ra tanou nilo.