KASAUKAN 37:11 - Tanou Moonsoi Timugon

¹¹ Mangusolon pagaka'-pagaka' ri Jusup riso, kaa' magail ama' nano mampaguang ra ngaangai' no.

KASAUKAN 37:11 ပူးပေါင်းရင်းမြစ်များ

KASAUKAN 24:31

Indagu i Laban, “Okou noyo ulun ondo' binarakat ru Tuhan. Pai' bigor ra liwar no. Ibok no, ongoi ra baloi maino, makalamin ondo' tinampos kalalair rirun am ayanan ru unta-unta muno.”

KASAUKAN 37:12

Sangarawan raginio paat ra pagaka'-pagaka' ri Jusup minongoi ra Sikgim pagalung ra biniag ru ama' nilono,

KASAUKAN 42:9

Kakara' boo ri Jusup inupi nali risilo, am indagu io boo, “Akau ti mansisigo. Minatong kau ragiti mongoi pangintutun ra kalawaan ru pagun maiti.”

MAZMUR 106:16

Giu' ra tana' kaagisan no sumolon ilo ri Musa, am niayuk ri Arun, ulipon Nano ra matulai.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

JISAYA 11:13

Pamarintaan ru Israil kalo boo sumolon ra Jiuda, am Jiuda pana kalo boo makimantula' ra Israil.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

MATIUS 27:18

Napandayan noyo ru gabenor ti ra mangusolon panguasa'-panguasa' ru ulun ru Jaudi am ginio sabap ra nampataak ilo ri Jisus riso.

MARKUS 15:10

Napandayan ri Pilatus ra tingganai-tingganai imam Jaudi no nampataak ri Jisus riso sabap ra sumolon ilo.

LUKAS 2:19

Kaa' kinara' am ginuang ri Maria ngaangai' baal raginio.

LUKAS 2:51

Kopongo ragili, saguli' i Jisus baya' ra matuo Nano ra Nasarit am gumagaya' risilo. Nampaguang ina' Nano ra ngaangai' raginio.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 7:9

“Kaa' nangusolon boo kinamatuaan ru bansa' takali ri Jusup i. Ginio ra talano' nilo io ra pagun ru Misir koson saukon ra ulipon. Kaa' inindangan io ri Aki Kapuuno',

GALATIA 5:21

Am mangkinibit poyo ra mangusolon, magauk, rumamai ra jajajou am mansalinut poyo. Pinakara' ku ramuyun raino mogondo' ra aku nampakara' noyo ramuyun ragili; ulun ondo' makapaliso koson raginio kalo makaliman ra Pamarintaan ri Aki Kapuuno'.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

1 SAMUIL 18:8

Kalo naansayan Raja' Saul nangkirongog ra rimbai no, am sangit io boo. Indagu Raja' Saul, “I Daut no kinara' namatoi ra opor-opor ngaribu ngaulun pantula', am aku ti kinara' ayuk namatoi ra riribu ngaulun pantula'. Kalo boo mabuoi saukon nilo io ra raja'!”