KASAUKAN 35:3 - Tanou Moonsoi Timugon

³ Iruanin takau intok ragitio am mongoi ra Bitil. Giu' no mambaal aku ra rondo' altar ri Aki Kapuuno' ondo' nangindangan raki', paat ra aku makakapaganan am ondo' nagalung raki' ra ati ayuk angayan kuli.”

KASAUKAN 35:3 ပူးပေါင်းရင်းမြစ်များ

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 31:3

Indagu boo Tuhan ri Jakub, “Ruli' noyo ra pagun ru ama' muli am ra pabukat-pabukat muli. Alungin Tokou.”

KASAUKAN 31:42

Amon ru kalo inalungan aku ri Aki Kapuuno' ru kinamatuaan kuli, i Aki Kapuuno' ri Abragam am i Isak, maaru' paugaron mu aku ra kolondo' atan-atan ibiton. Kaa' nakito ri Aki Kapuuno' kapaganan kuno am kandoi ondo' binaal kuno, am rondom i nanaak Io ra pangakiman Nano.”

KASAUKAN 32:24

Kaa' io galama' timinatang. Ratong boo sangulun ungkuyon giminabu' riso saboi natawangan.

KASAUKAN 32:7

Kaining ri Jakub ginio, kalaa' am magalabo io kaga'. Piruoo' no boo ulun nababaya' riso no ra ruo ngantayaran, am niayuk domba, kambing, sapi' am unta nano.

KASAUKAN 35:4

Pataako' nilo boo ngaangai' sinungkalalaing no ri Jakub am pinaaya' niayuk pataako' anting-anting nilono. Lobongo' ri Jakub ngaangai' kuliamos no ragana' ru puun tataun makalu maar ra Sikgim.

KASAUKAN 35:7

Giu' no nambaal i Jakub ra rondo' altar, am inggalani' no intok raginio “Il-Bitil”, sabap ra minintalang i Aki Kapuuno' riso ra giu' no paat ra io nagiru' intor ra maayo nano.

KASAUKAN 48:15

Barakato' no i Jusup, kono, “Gama' ru i Aki Kapuuno' ondo' sambaan ru kinamatuaan kuli i Abragam am i Isak, mambarakat ra anak-anak ti. Gama' ru i Aki Kapuuno' ondo' nagalung raki' saboi orou raiti', mambarakat risilo.

MAZMUR 107:6

Ralalom boo ru kapaganan, mampiau ilo ra Tuhan, am mamayag Io risilo intor ra makalalaa'.

MAZMUR 107:8

Musiti' no maringkuanang ilo ra Tuhan sabap ra togom Nano ra mantilayun, am niayuk binaal Nano ra makaimuag koson risilo.

MAZMUR 46:1

Mazmur ru bansa' ri Kora. Ra tingganai santimungan maririmbai. Ra rimbai ri Alamot.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

AMSAL 3:6

Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

JISAYA 30:19

Akau ondo' minayan ra Jirusalim kalo boo mantangi'. Tuhan no makaasi'. Paat ra akau mampiau makiindangan Riso, tumaam Io.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

1 SAMUIL 10:3

Indagu poyo i Samuil, “Intor ra giu' no, rayuso' noyo pangkiralanan muno saboi kou makasuku' ra puun tataun ru intok sambayangan giu' ra Tabor. Giu' no makatuum kou ra talu ngaulun ungkuyon ondo' tatanga' mongoi ra Bitil koson mapataak ra taak simbalui ri Aki Kapuuno'. Sangulun intor risilo no manguyung ra talu ngainan anak kambing, sangulun poyo magibit ra talu ruti', am sangulun poyo magibit ra kantungan kungkung ondo' napanu' ra wain.